06.10.2026 | 11:18
Ազգային ժողովի հրմշտոցը՝ ԼՈՒՍԱՆԿԱՐՆԵՐՈՎ
Պատրաստ ենք քննարկել․ Սանոսյանը խնդրեց Ծովագյուղի և Սեմյոնովկայի բնակիչներին բացել ճանապարհը․ ՏԵՍԱՆՅՈՒԹ
Քաղաքականություն
23.03.2022 | 18:18
Տարածքային կառավարման և ենթակառուցվածքների նախարար Գնել Սանոսյանն այսօր ԱԺ-Կառավարություն հարցուպատասխանի ժամանակ պատասխանելով հնչեցված հարցին, անդրադարձավ Ծովագյուղի և Սեմյոնովկայի բնակիչների կողմից ի նշան բողոքի փակված Սևան-Դիլիջան մայրուղու միջադեպին, նշեց, որ տեղյակ է և ԱԺ ամբիոնից խնդրեց ցուցարարներից՝ բացել ճանապարհը։
«Մենք առավոտից, երբ իմացել ենք այդ մասին, իրենց առաջարկել ենք հետևյալը՝ ստեղծել աշխատանքային խումբ և ցանկացած տեղում քննարկել խնդիրը»,- ասաց նախարարը։
Գնել Սանոսյանի խոսքով՝ Ծովագյուղի և Սեմյոնովկայի բնակիչների դժգոհություն են արտահայտել, թե իր անձով է պայմանավորված եղել համայնքների խոշորացումը։
«Իմ անձով պայմանավորված չէ այդ միացումը, և պաշտոնով էլ պայմանավորված չէ։ Տեղի է ունեցել համայնքների խոշորացում, և իրենց համայնքները միացել են Սևան համայնքին»,- իրավիճակը ներկայացրեց նախարարը՝ հավելելով, որ խոշորացում տեղի է ունեցել ամբողջ հանրապետությունում և վստահեցնելով, որ համայնքների խոշորացմամբ համայնքներին տրամադրվող գումարները չեն նվազելու:
Մանրամասները՝ տեսանյութում։
