16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Խոչընդոտ ենք վերացնում․ հույս ունենք՝ արտահանումը կավելանա․ Քերոբյան․ ՏԵՍԱՆՅՈՒԹ
Տնտեսություն
23.03.2022 | 12:17
ԱԺ-ում քննարկում է կառավարության կողմից ներկայացված «Պետական տուրքի մասին» օրենքում փոփոխություն կատարելու մասին օրենքի նախագիծն առաջին ընթերցմամբ ընդունելու մասին հարցը։
Հիմնական զեկուցող ՀՀ էկոնոմիկայի նախարար Վահան Քերոբյանը նշեց, որ փոփոխություններ կատարելը պայմանավորած է փոքր և միջին ձեռնարկատիրական գործունեության իրականացման ընթացքում ապրանքների արտահանման գործընթացը պարզեցնելու անհրաժեշտությամբ։
Նախարարի խոսքով՝ նախագծով նախատեսվում է հնարավորություն ընձեռել տնտեսվարող սուբյեկտներին չվճարել մեկ փոխադրողից մեկ ստացողին մեկ տրանսպորտային փաստաթղթով Հայաստանի Հանրապետության սահմանով արտահանվող ընդհանուր մաքսային արժեքը 1 միլիոն դրամը չգերազանցող գումարի չափով ապրանքները:
«Այս մաքսատուրքը զրոյացնելով՝ հույս ունենք, որ արտահանման ծավալները կավելանան: գումարները հաստատուն են, ընդհանուր արտահանվող գումարից տոկոս չէ, այլ՝ մաքսավճար է, ձևակերպումների վճար է, որը փոքր և մեծ ապրանքի համար շատ քիչ է տարբերվում»,- նշեց Քերոբյանը՝ պատասխանելով ՔՊ-ական Հովիկ Աղազարյանի հարցին՝ վճարումները հաստատո՞ւն են, կախված չե՞ն ընդհանուր արտահանվող գումարի չափից։
«Մեր կարծիքով՝ խոչընդոտ ենք վերացնում, ինչն էապես մեծացնելու է ՓՄՁ-ների արտահանման հնարավորությունները»,- ընդգծեց Քերոբյանը:
Մանրամասները՝ տեսանյութում:
