10.09.2026 | 11:35
Թրամփը հայտարարել է, որ Իրանի հետ պատերազմը կավարտվի ԱՄՆ միջանկյալ «ընտրություններից անմիջապես հետո»
«Չեմ վիրավորում, Թումանյանի քառյակն եմ կարդում»․ լեզվակռիվ՝ ԱԺ-ում․ Կյուրեղյանը նկատողություն ստացավ․ ՏԵՍԱՆՅՈՒԹ
Քաղաքականություն
22.03.2022 | 17:57
«Հայաստան» խմբակցության պատգամավոր, դաշնակցական Արմենուհի Կյուրեղյանը ՔՊ-ական պատգամավորների՝ ՀՅԴ ներկայացուցիչներին վերաբերող ելույթներին, ռեպլիկներին արձագանքեց մեկ տողով՝ Թումանյանի փոփոխած բառերով. «Դեռ հեռու է մինչև Մարդը ձեր ճամփան»։
ՔՊ-ական պատգամավորները տեղից դժգոհեցին, ԱԺ նիստը վարող Ռուբեն Ռուբինյանը գործընկերներին լռելու կոչ արեց։
«Ես գրականությունից, քառատողից ընդամնեը մի տող կարդացի»,-ասաց Կյուրեղյանը։
«Մի րոպե, մի րոպե, ես այնպիսի գրականություն կարող եմ ցիտել, որ… »,- նշեց Ռուբինյանը՝ հավելելով՝ ես ձեզ թույլ չեմ տալու այստեղ գալ ու վիրավորել:
«Ես չեմ վիրավորում, ես Թումանյանի քառյակ եմ կարդում»,-պնդեց Կյուրեղյանը։
«Հիմա շարունակեք Ձեր ելույթը, այն պահին, երբ վիրավորանք լինի, ես թույլ չեմ տալու»,- զգուշացրեց Ռուբինյանը։
ԱԺ դահլիճից հնչած գոռգոռոցներին դաշնակցական պատգամավորն արձագանքեց. «Իսկ դուք կարդացե՞լ եք Թումանյանի այդ քառյակը, հասկացե՞լ եք, թե ինչի մասին է խոսում Թումանյանը»։
Դաշնակցական պատգամավորները Ռուբինյանին հորդորեցին նկատողություն անել ՔՊ-ական պատգամավորներին։
«Նկատողություն անեմ իրենց, որ վիրավորվե՞լ են։
Շարունակեք, տիկին Կյուրեղյան, և մնացեք կոռեկտության սահմաններում»,- ասաց Ռուբինյանը։
Մանրամասները՝ տեսանյութում:
