26.11.2024 | 21:23
Երկրաշարժ Իրանում. այն զգացվել է նաև Հայաստանում
Ուկրաինայի որոշ քաղաքներում 3-4 օրվա սնունդ է մնացել
Քաղաքականություն
22.03.2022 | 17:34
Ուկրաինայի մի շարք քաղաքներում սնունդը կբավարարի ոչ ավելի, քան 3-4 օր։ Այս մասին հայտնում է «Բարեգթության կորպուս» բարեգործական կազմակերպությունը, գրում է BBC-ի ռուսական ծառայությունը։
Կազմակերպությունը նշում է, որ Ուկրաինայում հումանիտար համակարգն ամբողջովին ոչնչացված է։
«Ներկայում մեր ամենամեծ մտահոգություններից մեկը մատակարարման շղթայի խոցելիությունն է: Մենք գիտենք, որ այն շրջաններում, որտեղ ավելի ինտենսիվ ռազմական գործողություններ են ընթանում, առաջին անհրաժեշտության ապրանքներն ու պարենամթերքը 3-4 օր կբավարարի»,- ասել է կազմակերպության աշխատակից Սթիվ Գորդոնը, որը գտնվում է Խարկովում։
Նրա գնահատմամբ՝ Խարկովի և Սումիի բնակչության առնվազն 70%-ը լիովին կախված է մարդասիրական օգնությունից։
Էմմա Չոբանյան
