16.09.2026 | 19:50
Նիժնի Տապըռի գեղ եք ուզում, որ ոնց ուզեք՝ ձեր «Մայբախ»-ները քշեք. Փաշինյան
Ջո Բայդենը հերքել է Եվրոպայում ամերիկյան կենսաբանական և քիմիական զենքի ենթադրյալ առկայության մասին պնդումները
Քաղաքականություն
22.03.2022 | 17:05
ԱՄՆ նախագահ Ջո Բայդենը կտրականապես հերքել է Եվրոպայում ամերիկյան կենսաբանական և քիմիական զենքի ենթադրյալ առկայության մասին պնդումները, գրում է VAO-ն։
«Այն պնդումները, թե Ամերիկան Եվրոպայում կենսաբանական, ինչպես նաև քիմիական զենք ունի, պարզապես իրականությանը չեն համապատասխանում: Ես երաշխավորում եմ», – հայտարարել է Սպիտակ տան ղեկավարը բիզնեսի ներկայացուցիչների հետ հանդիպմանն ունեցած ելույթում։
«Նրանք նաև ենթադրում են, որ Ուկրաինան կենսաբանական զենք ունի»,- ասել է Բայդենը՝ ենթադրելով, որ դա «հստակ նշան» է, որ Ռուսաստանի իշխանություններն իրենք են «հետազոտում նման զենքերի օգտագործման հնարավորությունը»։
Սրա հետ մեկտեղ, Բայդենի վարչակազմը հասկացրել է, որ մտադիր է ուժեղացնել պատժամիջոցային ճնշումը Ռուսաստանի նկատմամբ՝ կապված Ուկրաինայում ստեղծված իրավիճակի հետ։ Այս մասին ասված է ամերիկյան 16 ընկերությունների ղեկավարների հետ երկրի դաշնային կառավարության ներկայացուցիչների հանդիպման արդյունքներով Սպիտակ տան հրապարակած հայտարարության մեջ։
Նշվում է, որ հանդիպմանը մասնակցել են ֆինանսների նախարար Ջանեթ Յելենը, առևտրի նախարար Ջինա Ռայմոնդոն, ազգային անվտանգության հարցերով ԱՄՆ նախագահի խորհրդական Ջեյք Սալիվանը և այլ պաշտոնյաներ։ Հայտարարության համաձայն՝ կազմակերպությունների ղեկավարները ներկայացրել են արդյունաբերության, այդ թվում՝ էներգետիկայի ոլորտները, սննդամթերքի և արդյունաբերական արտադրությունը։ Ուկրաինայի շուրջ ստեղծված իրավիճակի քննարկման ժամանակ նրանց կարճ ժամանակով միացել է նաև նախագահ Ջո Բայդենը։
Տաթև Ֆռանգյան
