15.09.2026 | 23:30
Օգոստոսին Հայաստան է այցելել 227,026 զբոսաշրջիկ
Մարիուպոլից մարդկանց տարհանումը կիրականացվի 3 ուղղությամբ․ Վերեշչուկ
Քաղաքականություն
22.03.2022 | 14:08
Շրջափակման մեջ գտնվող ուկրաինական Մարիուպոլ քաղաքից մարդկանց տարհանումը դեպի Զապորոժիե կիրականացվի 3 ուղղությամբ՝ ընդհուպ մինչև քաղաքի բոլոր բնակիչների դուրսբերումը։ Այս մասին ճեպազրույցի ժամանակ հայտնել է Ուկրաինայի փոխվարչապետ, Ժամանակավոր օկուպացված տարածքների վերաինտեգրման հարցերով նախարար Իրինա Վերեշչուկը, գրում է korrespondent-ը։
«Այսօր մենք քրտնաջան աշխատում ենք Մարիուպոլի բնակիչների տարհանման ուղղությամբ: Մարիուպոլից Զապորոժիե մարդկանց տարհանելու համար այսօր կաշխատեն երեք երթուղիներ՝ Բերդյանսկ-Զապորոժիե, հավաքատեղին Մելիտոպոլի խճուղի 27 հասցեում գտնվող սպորտային համալիրն է, Մանգուշսկայա գրոմադա-Զապորոժիե՝ հավաքատեղին «Սմենա» պանսիոնատ, Նիկոլսկոե-Զապորոժիե, հավաքման վայրը Պարկովայա փող. 23, թիվ 2 դպրոցն է»,- ասել է Վերեշչուկը։
Նրա խոսքով՝ հավաքման կետերում ավտոբուսները կսպասարկեն քաղաքացիներին առավոտյան ժամը 9-ից 10-ը։
«Մենք հասկանում ենք, որ բոլորին չեն հերիքի նստատեղերը, ուստի խնդրում ենք կազմակերպված, տեղում մեր աշխատակիցների ցուցումներին համապատասխան գնալ ավտոբուսների մոտ: Մենք հաստատ ոչ ոքի չենք թողնի և կշարունակենք ամեն օր տարհանել մարդկանց նույն ալգորիթմի համաձայն, մինչև բոլորի տարհանումը»,- նշել է փոխվարչապետը:
Տաթև Ֆռանգյան
