18.08.2026 | 15:45
Վանաձոր քրեակատարողական հիմնարկի կալանավորը, ըստ հարազատների, մեկ ամիս է՝ հացադուլի մեջ է
Ձեր նախագծով թշնամի երկրի զառանցանքն այստեղ արտատպողները դառնում են քրեորեն պատժելի արարք կատարողներ. Հովակիմյանը՝ Վարդևանյանին․ ՏԵՍԱՆՅՈՒԹ
Քաղաքականություն
22.03.2022 | 13:07
«Այն խնդիրը, որը հեղինակի կողմից հնչեցվում է, մեր քրեական օրենսդրությամբ լուծված է։ Փոխարենն այս նախագծով առաջարկվող մոտեցումը հստակ խնդիրներ է հարուցում։ Իրավական որոշակիության տեսանկյունից այս նախագիծը որևէ քննության չի կարող դիմանալ»,- Ազգային ժողովում ՀՀ տարածքային ամբողջականությունը կասկածի տակ դնելը քրեորեն հետապնդելի արարք սահմանելու մասին նախագծի քննարկման ժամանակ այս կարծիքը հայտնեց «Քաղաքացիական պայմանագիր» խմբակցության պատգամավոր Վահագն Հովակիմյանը՝ նշելով, որ նախագիծը քննարկվել է պետաիրավական հանձնաժողովում, որտեղ տրվել է բացասական եզրակացություն։
Հովակիմյանի դիտարկմամբ՝ երբ ընդունվում է օրենք ու հստակ չի ամրագրվում, որ դրա կիրառումը տարածվում է այլ երկրների ներկայացուցիչների նկատմամբ, այդ անորոշությունը տարածվելու է ՀՀ ցանկացած քաղաքացու վրա:
«ՀՀ ցանկացած քաղաքացի պետք է հստակ իմանա, թե ինչպիսի իրավաչափ վարքագիծ պետք է դրսևորի, որպեսզի ՔՕ-ի հոդվածներով նախատեսված պատժելի արարք կատարողի դերում չհայտնվի։
Այս օրենքի տեսանկյունից թշնամի երկրի զառանցանքների ցանկացած արտատպում կարող է համարվել քարոզչություն։ Այսինքն, եթե մեր լրատվամիջոցները ցանկանան իրենց ընթերցողներին տեղեկացնել թշնամի երկրից զառանցանքներին, հայտնվելու է քրեորեն պատժելի արարք կատարողի դերում, որովհետև ստացվելու է, որ տարածում են այդ զառանցանքը։ Այս անորոշությունները կարող եմ շատ երկար շարունակել»։
Նա ընդդիմադիր պատգամավորներին հորդորեց բերել նախագծեր, որոնք կնպաստեն երկրի զարգացմանը, անվտանգության ուժեղացմանը:
Մանրամասները՝ տեսանյութում:
