28.03.2026 | 23:47
ՔՊ քվեարկություն․ առաջատար 10-յակը և ամենաքիչ ձայներ հավաքած թեկնածուն
Ռուսական զորքերն ունեն 3 օրվա պարեն և զինամթերք․ Ուկրաինայի ԶՈՒ
Քաղաքականություն
22.03.2022 | 11:51
Ռուսական զորքերը 3 օրվա զինամթերքի պաշարներ ունեն, մարտի 22-ի առավոտյան հայտնել է Ուկրաինայի Զինված ուժերի գլխավոր շտաբը Facebook-ի իր էջում: Համաձայն այդ տվյալների՝ Ուկրաինայի տարածքում գործող ռուսական զորքերի պարենային պաշարները ևս մոտ են սպառվելուն։
«Նման իրավիճակ է նաև վառելիքի դեպքում, որի համալրումն իրականացվում է լցանավերի միջոցով»,- ասվում է զեկույցում։
Ուկրաինայի ԶՈՒ-ն նաև հրապարակել է մարտի 22-ի ընթացքում ռուսական կողմի կորուստների թիվը։ Ըստ այդմ՝ ոչնչացվել է մեկ օդանավ, վեց անօդաչու թռչող սարք և երկու ուղղաթիռ։
Մարտի 22-ի գիշերը Ուկրաինայի նախագահ Վլադիմիր Զելենսկին իր տեսաուղերձում հայտնել էր, որ Խարկովի մարզի Չուգուևի մոտ ռուսական ինքնաթիռ է խոցվել։
Ուկրաինայի զինված ուժերը պնդում են, որ Մարիուպոլի մոտ ոչնչացվել է Raptor նախագծի պարեկային նավը և Leer-3 ռադիոէլեկտրոնային պայքարի համալիրը։
