01.11.2024 | 23:19
Հրդեհ Գյումրու տներից մեկում
«Արծափ Գրուպ» ընկերությունը տուգանվել է 4 մլն․ դրամով
Տնտեսություն
18.03.2022 | 18:53
ՀՀ ՔՏՀԱ տեսչական մարմինը 4 միլիոն ՀՀ դրամով տուգանել է «Արծափ Գրուպ» ՍՊ ընկերությանը։ Այս մասին տեղեկանում ենք տեսչական մարմնի մամուլի ծառայությունից։
Քրեական գործի նախաքննության ընթացքում հիմնավորվել և ապացուցվել է, որ «Արծափ Գրուպ» ՍՊ ընկերությունը, «𝐙𝐈𝐋 𝟏𝟑𝟎» մակնիշի 𝟑𝟔 𝐑𝐋 𝟒𝟔𝟗 հաշվառման համարանիշի և «𝐙𝐈𝐋 𝟏𝟑𝟎» մակնիշի 𝟑𝟓 𝐅𝐔 𝟏𝟒𝟏 հաշվառման համարանիշի ավտոմեքենաների վրա տեղադրել է գազաբալոնային համակարգեր և 𝟐𝟎𝟐𝟎 թվականի հունվարի 𝟏𝟎-ից իրականացնում է սեղմված բնական գազի մանրածախ վաճառք՝ շահագործելով արտադրական վտանգավոր օբյեկտներ հանդիսացող շարժական լցավորման կայաներ, որոնք գրանցված չեն արտադրական վտանգավոր օբյեկտների գրանցման ռեեստրում և չունեն ամենամյա տեխնիկական անվտանգության փորձաքննության եզրակացություններ։
Արդյունքում խախտվել են «Տեխնիկական անվտանգության ապահովման պետական կարգավորման մասին» օրենքի 𝟏𝟗-րդ հոդվածի 𝟏-ին մասի «ժբ» և «ժդ» կետերի պահանջները։
Վերոգրյալի հիման վրա՝ «Արծափ Գրուպ» ՍՊ ընկերությունը ենթարկվել է վարչական պատասխանատվության` ընդհանուր՝ 𝟒,𝟎𝟎𝟎,𝟎𝟎𝟎 (չորս միլիոն) ՀՀ դրամ գումարի չափով:
