16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
ՄԱԳԱՏԷ-ից պատմել են գրավված Զապորոժիեի ԱԷԿ-ում տիրող իրավիճակի մասին
Քաղաքականություն
18.03.2022 | 15:22
Զապորոժիեի ԱԷԿ-ի անձնակազմը շարունակում է աշխատանքը՝ չնայած այն հանգամանքին, որ օբյեկտը գտնվում է ռուս զինվորականների վերահսկողության տակ։ Այս մասին հայտարարել է ՄԱԳԱՏԷ-ի գլխավոր տնօրեն Ռաֆայել Մարիանո Գրոսին, գրում է korrespondent-ը։
«Ռուսական «Ռոսատոմ»-ի պաշտոնյաները դեռևս ներկա են Ուկրաինայի հարավում գտնվող ատոմակայաններում, սակայն բարձր որակավորում ունեցող ուկրաինական անձնակազմը շարունակում է աշխատել: Ուկրաինան որևէ խորհրդատվական, տեխնիկական կամ այլ աջակցություն չի խնդրել Ռուսաստանի Դաշնությունից»,- ասել է նա:
Գրոսին հավելել է, որ ներկայում գործում են վեց ռեակտորներից երկուսը։
ՄԱԳԱՏԷ-ի գլխավոր տնօրենը նաև ասել է, որ շարունակում է խորհրդակցությունները՝ համաձայնեցնելու Ուկրաինայի միջուկային օբյեկտների անվտանգության և պաշտպանության շրջանակը։
«Այս համաձայնագրով գործակալությունը կկարողանա արդյունավետ տեխնիկական աջակցություն ցուցաբերել այդ օբյեկտների անվտանգ և հուսալի շահագործման համար»,- ասել է Գրոսին։
Հիշեցնենք՝ նախօրեին հայտնի դարձավ, որ Զապորոժիեի ԱԷԿ-ը կորցրել է էլեկտրահաղորդման գծերի հետ երրորդ կապը։ Պատճառները պարզվում են, կայանի գործունեության անվտանգության ապահովման հետ կապված խնդիրներ չկան։
Տաթև Ֆռանգյան
