Քաղաքականություն
18.03.2022 | 14:18
Ուկրաինայում Ռուսաստանի սանձազերծած ռազմական գործողությունների հետևանքով մարտի 18-ի առավոտվա դրությամբ 109 երեխա է զոհվել, ավելի քան 130-ը՝ վիրավորվել։ Ուկրաինայի Գլխավոր դատախազությունից հայտնել են, որ ամենաշատ երեխաները տուժել են Կիևում՝ 55, Խարկովում՝ 34, Դոնեցկում՝ 26, Չեռնիգովում՝ 29, Նիկոլայևում՝ 20, Ժիտոմիրում՝ 15, Սումում՝ 14, Խերսոնում՝ 14, գրում է Unian-ը։
«Ռմբակոծությունների և հրետակոծությունների հետևանքով վնասվել է ավելի քան 439 ուսումնական հաստատություն, որոնցից 63-ը ամբողջությամբ ավերվել են։ Ամենաշատը տուժել են Դոնեցկում՝ 126, Խարկովում՝ 77, Նիկոլաևում՝ 39, Սումում՝ 32, Կիևի շրջանում՝ 41, Խերսոնում՝ 21 և Կիևում՝ 35 ուսումնական հաստատություն»,- ասված է հաղորդագրությունում։
Ուկրաինայի Գլխավոր դատախազությունից նշել են, որ այս տվյալները վերջնական չեն։
Տաթև Ֆռանգյան
