18.12.2025 | 13:40
Ադրբեջանցի դատախազն առաջարկել է Ռուբեն Վարդանյանին դատապարտել ցմահ ազատազրկման
Պուտինը պատրաստ չէ Ուկրաինայում պատերազմն ավարտել դիվանագիտական ճանապարհով. Բլինքեն
Քաղաքականություն
18.03.2022 | 10:51
ԱՄՆ-ն որևէ նշան չի տեսնում, որ Պուտինը պատրաստ է դադարեցնել և ավարտել պատերազմն Ուկրաինայում դիվանագիտական ճանապարհով։
Այս մասին հայտարարել է ԱՄՆ պետքարտուղար Էնթոնի Բլինքենը։
«Ես հիմա նշաններ չեմ տեսնում, որ Պուտինը պատրաստ է կանգ առնել, ընդհակառակը, եթե լսեք նրա վերջին հայտարարությունները, ապա դրանք հուշում են, որ նա հակառակ ուղղությամբ է շարժվում»,- ընդգծել է ԱՄՆ պետքարտուղարը։
Բլինքենը նաև հավելել է, որ դիվանագիտությունը պահանջում է բանակցությունների երկու կողմերի պատասխանատու վերաբերմունք և լարվածության անհապաղ թուլացում, սակայն Ռուսաստանը բանակցելու մտադրություն չունի։
«Ես Ռուսաստանի կողմից որևէ էական ջանքեր չեմ տեսել այս պատերազմը, որը նա վարում է, դիվանագիտական ճանապարհով դադարեցնելու համար», – ասել է Բլինքենը։
Նրա խոսքով՝ Վաշինգտոնը վճռականորեն կաջակցի Կիևի ջանքերին՝ դիվանագիտական միջոցներով հասնելու դեէսկալացիայի, հրադադարի և ռուսական զորքերի դուրսբերման։
«Մոսկվայի պատերազմի հետևանքները զգացվում են ամբողջ աշխարհում՝ սննդի գնաճ, վառելիքի մատակարարման հետ կապված մտահոգություններ, ավելի լայն անհանգստություններ, թե ինչպես այս պատերազմը կազդի համաշխարհային տնտեսության և COVID-19-ի դեմ պայքարի վրա:
Սրանք լուրջ խնդիրներ են, որոնց համաշխարհային հանրությունը շտապ պետք է լուծի: Այս պատերազմը դա ավելի է բարդացնում:
Այս կերպ Ռուսաստանի գործողություններն ազդում են մոլորակի յուրաքանչյուր մարդու վրա, որտեղ էլ որ նրանք ապրեն»,- հայտարարել է Բլինքենը։
