06.10.2026 | 15:04
Ադրբեջանը հիմա էլ աղվանա-ուդիական համայնքի ներկայացուցիչների այց է կազմակերպել Արցախի Ծիծեռնավանք
Նախագիծն ականջահաճո է, բայց գրավչություն չկա․ ՊՆ-ն կողմ է Աբրահամյանի նախագծին․ ՏԵՍԱՆՅՈՒԹ
Քաղաքականություն
15.03.2022 | 11:14
ԱԺ պաշտպանության և անվտանգության հարցերի հանձնաժողովի այսօրվա նիստում այսօր քննարկվեց «Զինվորական ծառայության և զինծառայողի կարգավիճակի մասին» օրենքում փոփոխություն և լրացում կատարելու մասին նախագիծը, որը վերաբերում է կրթության իրավունքի իրացմանը։
Նախագծի հեղինակ, «Պատիվ ունեմ» խմբակցության պատգամավոր Տիգրան Աբրահամյանը ներկայացրեց, թե ինչ փոփոխություններ են նախատեսված նախագծով:
Ներկայացնելով կառավարության տեսակետը՝ պաշտպանության փոխնախարար Արման Սարգսյանը հայտարարեց՝ եկել են այն եզրահանգման, որ հաշմանդամություն ձեռք բերած պայմանագրային զինծառայողներին ևս պետք է հնարավորություն տալ անվճար կրթություն ստանալու:
«Մեր տվյալներով՝ խոսքը շուրջ 1600 անձի մասին է, որոնք ունեն առաջին կամ երկրորդ կարգի հաշմանդամություն։ Ինչ վերաբերում է ծառայությունն ավարտած և թոշակի իրավունքից օգտվող սպաներին այս հնարավորությունը տալուն, ապա հակասություն կա։ Մի կողմից ասում ենք ծառայության գրավչությունը բարձրացնենք, բայց մյուս կողմից նրանք գնացել են թոշակի իրավունքից օգտվելու։ Սա կարող է ոգևորիչ լինել սպաների համար, բայց նախընտրել ենք ձեռնպահ մնալ այս փոփոխությունից։
Զբաղվածության կենտրոնները պարբերաբար շփվում են զորացրման ենթակա սպաների հետ և ապահովում մասնագիտական կողմնորոշման դասընթացներով։ Պետությունն այդ ծախսն իր վրա է վերցրել։ Մենք դրական եզրակացություն ենք տալիս նախագծին, բայց երկարամյա ծառայության զորացրվածներին արդեն իսկ տրված է նշյալ հնարավորությունը»,- նշեց փոխնախարարը:
Մանրամասները՝ տեսանյութում:
