09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
ԱՄՆ-ում Չինաստանի դեսպանատանը տեղյակ չեն՝ ՌԴ օգնության խնդրանքի մասին
Քաղաքականություն
14.03.2022 | 11:55
Վաշինգտոնում Չինաստանի դեսպանատան ներկայացուցիչ Լյու Պենյուն ասել է՝ տեղեկություն չունի այն մասին, որ Ուկրաինայում ռազմական գործողությունների մեկնարկից հետո Մոսկվան Պեկինից ռազմական օգնություն է խնդրել։ Այդ մասին գրում է Reuters-ը։
«Ես երբեք այդ մասին չեմ լսել»,- ասել է դիվանագիտական գերատեսչության խոսնակը։
Նա նշել է, որ Ուկրաինայում իրավիճակն «անհանգստություն է հարուցում»։ «Գլխավոր առաջնահերթությունն այժմ՝ թույլ չտալ իրավիճակի էսկալացիա կամ վերահսկողությունից դրա դուրս գալը»,- ընդգծել է Լյու Պենյուն։ Նա հավելել է, որ Պեկինը ցանկանում է խաղաղության պայմանագիր տեսնել։
Հիշեցնենք, որ մարտի 13-ին լրատվամիջոցները գրել էին, թե Ռուսաստանը ռազմական և տնտեսական օգնություն է խնդրել Չինաստանից Ուկրաինայում պատերազմի համար։
Տաթև Ֆռանգյան
