08.06.2026 | 20:35
Նիդերլանդներն աջակցում է Հայաստանին. Ռոբ Յետտեն
Մեզ պետք են աշխատող մարդիկ, ի՞նչ է նշանակում ընթացքի մեջ է․ Երևանի քաղաքապետը զայրացավ․ ՏԵՍԱՆՅՈՒԹ
Տնտեսություն
14.03.2022 | 11:29
Երևանի քաղաքապետարանի աշխատակազմի վերահսկողության վարչության պետ Արթուր Ավետիսյանն այսօր Երևանի քաղաքապետարանում ընթացող գործավարական խորհրդակցության ժամանակ, անդրադառնալով Կառավարության կողմից նախատեսված գումարի շրջանակներում Երևանի Մետրոպոլիտենի օդափոխության համակարգի ձեռքբերման ուղղությամբ իրականացված աշխատանքների ընթացքին, նշեց, որ տեխնիկական բնութագրի մեջ պայման է փոխվել, այդ պատճառով ժամկետը երկարացվել է, բացումը կլինի ապրիլի 8-ին:
Երևանի քաղաքապետ Հրաչյա Սարգսյանը զայրացավ. «Դա նշանակում է, որ վատ ենք աշխատում կամ համապատասխան կադրեր չունենք, տուն ուղարկեք այդ կադրերին»: Ավետիսյանը տեղեկացրեց, որ նկատողություն է ստացել այն աշխատակիցը, որը տեխբնութագիրը սխալ է գրել:
Երևանի քաղաքապետարանի աշխատակազմի վերահսկողության վարչության պետը նաև նշեց, որ Մետրոպոլիտենի վճարային նոր համակարգի գործարկման նպատակով մրցույթ հայտարարելու համար բանակցություններն ընթացքի մեջ են:
«Ի՞նչ է նշանակում ընթացքի մեջ է, ի՞նչ ենք արել… Մեզ պետք են աշխատող մարդիկ»,- արձագանքեց Երևանի քաղաքապետը:
Մանրամասները՝ տեսանյութում:
