06.11.2024 | 23:22
Ժոզեպ Բորելը շնորհավորել է Դոնալդ Թրամփին և հայտարարել ուժեղ Եվրոպա ստեղծելու մասին
Կիևն ավիահարվածի է ենթարկվել. ՈԻՂԻՂ
Քաղաքականություն
14.03.2022 | 11:00
Մարտի 14-ին ռուսական զորքերը օդային հարվածներ են հասցրել Կիևին, Ռովնոյին և Ժիտոմիրի շրջանին։ Ուկրաինայի արտակարգ իրավիճակների պետական ծառայությունը, ինչպես նաև տեղական իշխանությունները հայտնել են հարձակումների հետևանքների մասին, գրում է Korrespondent-ը։
Երկուշաբթի առավոտյան արկն ընկել է մայրաքաղաքի Օբոլոնսկի թաղամասում՝ 9 հարկանի շենքի վրա։
«Մասնակի ավերվել է առաջինից երրորդ հարկերի աստիճանավանդակը և առաջինից իններորդ հարկերի՝ ճակատային հատվածը, հրդեհ է բռնկվել շենքի երրորդ և չորրորդ հարկերում»,- հայտնել են ծառայությունից։
Չորս հոգու հաջողվել է դուրս բերել փլատակներից, տուժածների որոնողական աշխատանքները շարունակվում են։
Գիշերը հրթիռային հարվածի է ենթարկվել նաև Ժիտոմիրի շրջանի Ստավիշչե բնակավայրը։ Նախնական տվյալներով՝ ավերվել է յոթ վարչական շենք։ Չորս մարդ վիրավորվել է, մյուս տուժածների որոնումները շարունակվում են։
Ռովնեի շրջանի ղեկավար Վիտալի Կովալը հայտնել է, որ ավիահարվածի հետևանքով վնասվել է հեռուստաաշտարակը։ Այս պահին մարզում չի գործում հեռուստառադիոհեռարձակումը։
