21.08.2026 | 17:40
Դավիթաշենում գործող «Ծիրան մարկետի» պահեստի շահագործումը կասեցվել է և կապարակնքվել
Հայաստանն Արցախի հայերի փրկության համար պետք է ճանաչի մեր անկախությունը. Արցախի ԱԺ նախագահ. ՏԵՍԱՆՅՈՒԹ
10.03.2022 | 19:45
Արցախի Հանրապետության Ազգային ժողովն այսօր արտահերթ նիստ է գումարել: Արտահերթ նիստ գումարելու որոշումը կապված է ստեղծված իրավիճակի հետ։
«Ես դիմել եմ աշխարհի բոլոր խորհրդարաններին, մի քանի լեզուներով թարգմանված, ոչ միայն ռուսերեն, անգլերեն և ֆրանսերեն, այլ նաև պարսկերեն, թուրքերեն և այլ լեզուներով. բոլոր խորհրդարաններին նամակ է ուղարկվել, որպեսզի ճանաչեն Արցախի Հանրապետության անկախությունը: Ինչպես մեր հայտարարության մեջ նշված է՝ այլ ելք չկա»,- այս մասին նշեց Արցախի Հանրապետության ԱԺ նախագահ Արթուր Թովմասյանը:
Նա հավելեց, որ մի քանի անգամ դիմել են Հայաստանի Հանրապետությանը, որպեսզի ճանաչի Արցախի անկախությունը՝ թեկուզ Ազգային ժողովի մակարդակով:
«Հայաստանն Արցախի հայերի փրկության համար պետք է ճանաչի մեր անկախությունը»,- ընդգծեց Արցախի ԱԺ նախագահը՝ հավելելով, որ մի քանի անգամ այդ հնարավորությունը բաց է թողնվել և ճիշտ կլիներ, որ 44-օրյա պատերազմի ժամանակ ճանաչվեր Արցախի անկախությունը:
Մանրամասները՝ տեսանյութում:
