09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Այս տարի Ծիծեռնակաբերդի շուրջ 3․5 հա տարածք է կանաչապատվելու․ դենդրոլոգ Արծվի Գրիգորյան․ ՏԵՍԱՆՅՈՒԹ
Տնտեսություն
07.03.2022 | 11:30
Ծիծեռնակաբերդի տարածքում հաստատված ծրագրով նախատեսված է կանաչապատել 8,5 հեկտար տարածք, սակայն միջոցների սղության պատճառով կանաչապատումը կիրականացվի փուլային եղանակով։ Այս մասին այսօր հրավիրված ասուլիսում հայտարարեց Երևանի քաղաքապետարանի «Կանաչապատում և շրջակա միջավայրի պահպանություն» ՀՈԱԿ-ի դենդրոլոգ Արծվի Գրիգորյանը։
Նրա խոսքով՝ այս տարի նախատեսվում է մայրաքաղաքում տնկել 4 հազար ծառ և 75 հազար թփատեսակներ։ Այս տարի Ծիծեռնակաբերդի 3,5 հեկտար տարածքն է կանաչապատվելու, նախատեսվում է 2260 ծառ և 3 հազար թուփ տնկել։
Արծվի Գրիգորյանի փոխանցմամբ՝ տնկվելու են վայրի և պտղատու ծառատեսակներ, օրինակ՝ նշենի, ծիրանենի, սալորենի, նաև գեղազարդ տեսակներ՝ հացենի, արոսենի․ «Համալիր տանող աստիճանների աջ ու ձախ կողմերի համար նախատեսել ենք արևելյան սոսի, որը մեծ սաղարթ ունի, հետագայում այն աճելով մեծ սաղարթ կլինի այդ հատվածում, մարդիկ շոգից կպաշտպանվեն»։
Դենդրոլոգի հավաստմամբ՝ Ծիծեռնակաբերդի կանաչապատ հատվածը գարնանից մինչև ուշ աշուն գեղեցիկ գունազարդ տեսք կունենա։
Մանրամասները՝ տեսանյութում:
