21.11.2024 | 20:59
Թուրքիան հազարավոր հետաքննություններ է սկսել «ապատեղեկատվության մասին օրենքով»՝ 2 տարվա ընթացքում 33 լրագրողների ազատազրկելով
«Խորհրդային միության փլուզումը դեռ ավարտված չէ». ապոլիտիկ զրույց Վահրամ Տեր-Մաթևոսյանի հետ. ՏԵՍԱՆՅՈՒԹ
Քաղաքականություն
05.03.2022 | 21:00
Factor TV-ի A-politic հաղորդաշարի հյուրն է Հայաստանի ամերիկյան համալսարանի Քաղաքագիտության և միջազգային հարաբերությունների ամբիոնի վարիչ Վահրամ Տեր-Մաթևոսյանը: Նա կարծում է, որ պետությունների ինքնիշխանության սկզբունքը մշտապես փոփոխության և ճշգրտման է ենթարկվում, իսկ աշխարհակարգը, ըստ էության, փոխվում էր մշտապես, պարզապես վերջին տասնամյակներում այդ գործընթացներն արագացել են:
Քաղաքագետի կարծիքով՝ կայսրություններն ու «քվազիկայսրությունները» մշտապես խոչընդոտել են և խոչընդոտելու են նոր պետությունների առաջացմանը, և դրա դրսևորումներից մեկն այն է, որ ԽՍՀՄ փլուզումն առայժմ չի ավարտվել: Գիտնականն անդրադարձել է նաև «ԽՍՀՄ» նախագծի՝ «ազգերի ինքնորոշում» բաղադրիչին:
Որպես պատմաբան՝ Վահրամ Տեր-Մաթևոսյանը համաձայն չէ, որ Ուկրաինան ստեղծել է Վլադիմիր Լենինը: Վերջին մի քանի դարերում ռուս-ուկրաինական հարաբերությունները բարդ և բազմաշերտ էին, և որևէ հիմք չկա դրանք այդչափ պարզունակ ներկայացնելու: Այլ հարց է, որ, ըստ քաղաքագետի, Խորհրդային միության հանրապետությունների սահմաններն իսկապես գծվել են կամայականորեն, և այդ գործընթացից տուժողը, մասնավորապես, Հայաստանն էր:
Վահրամ Տեր-Մաթևոսյանը համոզված է, որ 2040 թվականին Հայաստան պետություն գոյություն ունենալու է՝ քաղաքական և տեխնոլոգիական զարգացման անհամեմատ ավելի բարձր մակարդակ ունեցող բնակչությամբ:
Մանրամասները՝ տեսանյութում:
