29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Ադրբեջանցիներն այսօր 2 անգամ «Խոջալուի» շինծու ջարդերի մասին մուղամ են «հրամցրել»․ ԱՀ ՆԳՆ-ն՝ Խրամորթում իրավիճակի մասին
27.02.2022 | 14:21
Երեկ ռուսական խաղաղապահ առաքելության կոնտինգենտի բանակցություններն ադրբեջանական կողմի հետ որոշակի դրական ազդեցություն է ունեցել: Այս մասին հայտնում է ԱՀ ՆԳՆ հասարակայնության հետ կապի և լրատվության ծառայությունը։
«Կեսօրից հետո բարձրախոսով գյուղը լքելու բարբաջանքներ չեն հնչել, փոխարենը 2 անգամ «Խոջալուի» շինծու ջարդերի մասին մուղամ են «հրամցրել»:
Խաղաղապահները վստահեցրել են, որ այս խնդիրն առաջիկա 2-3 օրերի ընթացքում կլուծվի:
Հիշեցնենք, որ փետրվարի 16-ից սկսած ադրբեջանական կողմը շփման գծի Խրամորթ-Ակնա /Աղդամ/ հատվածում մի քանի անգամ խախտել է հրադադարի պահպանման ռեժիմը՝ կրակել դաշտավայրում աշխատող տրակտորիստի ուղղությամբ, այնուհետև հաջորդ օրը գյուղացիներին բանավոր զգուշացրել են լքել տարածքը: Անհաջող այս փորձերին հաջորդել է բարձրախոսով կոչերը:
Այս պահին հանգիստ է: Գյուղը շարունակում է ապրել իր առօրյա հոգս ու գործով»,-նշված է հաղորդագրության մեջ:
Նախօրեին Factor․am-ը նաև տեղեկացրել էր, որ արդեն 3 օր է՝ ադրբեջանցիները Արցախի Ասկերանի շրջանի Խրամորթ գյուղի բնակիչներից պահանջում են լքել գյուղը; Մեզ հետ զրույցում Արցախի Ներքին գործերի նախարարության հասարակայնության հետ կապի և լրատվության ծառայության պետ Հունան Թադևոսյանը պատմել էր, որ գյուղի հարակից տարածքում՝ Աղդամի շրջանում, բարձրախոսներով փորձում է խուճապ առաջացնել գյուղում և ասում է, որ պետք է լքեք գյուղը, եթե մտածում եք ձեր և ձեր հարազատների առողջության մասին։ Ասում են՝ վտանգավոր է այստեղ, դո’ւրս եկեք մեր տարածքներից, որովհետև դա Ադրբեջան է։
