22.04.2026 | 23:30
ՀՀ տարածքում ավտոճանապարհները հիմնականում անցանելի են
«Շախմատը խաղ է՝ պատերազմի տարրերով». ապոլիտիկ զրույց Էլինա Դանիելյանի հետ. ՏԵՍԱՆՅՈՒԹ
Հաղորդաշարեր
26.02.2022 | 21:00
Factor TV-ի «A-politic» հաղորդաշարի հյուրն է Եվրոպայի չեմպիոն, միջազգային գրոսմայստեր Էլինա Դանիելյանը: Շախմատիստուհին խոստովանում է, որ գերադասում է խաղալ տղամարդկանց հետ, որովհետև այդ դեպքում երկուստեք հաղթելու ցանկությունն ավելի մեծ է. որքան ուժեղ է մրցակիցը, այնքան քիչ է պատահական՝ անուշադրությամբ պայմանավորված սխալների հավանականությունը:
Հոգեբանական խնդիրներն Էլինան հաղթահարում է միայնակ՝ առանց հոգեթերապևտների օգնության: Ըստ գրոսմայստերի՝ խաղի առանձնահատկություններից է մրցակցի խաղաոճի ուսումնասիրության «տնային աշխատանքը» և բուն մրցապայքարի ժամանակ նրան անակնկալի բերելը: Այս առումով, նրա կարծիքով, «համակարգիչը սպանում է շախմատը», քանի որ նոր սերնդի շախմատիստները հաճախ խաղարկում են համակարգչի կողմից թելադրված և «անգիր արած» տարբերակները:
1970-ական թվականներից շախմատը խիստ քաղաքականացվել է և այդ գործընթացի գագաթնակետն էր 1978 թվականի Կարպով-Կորչնոյ մրցապայքարը, որի մասին անցած տարի գեղարվեստական ֆիլմ է նկարահանվել: Հայ գրոսմայստերն այդ ժապավենի վերաբերյալ ունի որոշակի վերապահումներ․ նրա կարծիքով՝ շախմատի տեսակետից «Աշխարհի չեմպիոնը» ֆիլմը «բնական չէր»:
Արդյո՞ք շախմատը պատերազմ է, ինչպես պնդում է այդ ֆիլմի հերոսներից մեկը: Էլինա Դանիելյանի կարծիքով՝ պատերազմը չափից դուրս ուժեղ բառ է՝ շախմատը բնութագրելու համար. դա խաղ է՝ պատերազմի տարրերով, քանի որ դու ես որոշում քո «զորքի» գործողությունները և պատասխանատվություն ես կրում դրա համար:
Մանրամասները՝ տեսանյութում:
