28.06.2026 | 22:27
Արման Թաթոյանի հրապարակած 2 ձայնագրությունների մասով վարույթ կա, մեղադրյալ չկա․ ՏԵՍԱՆՅՈւԹ
1,4 մլրդ դրամ` մարզերի բնակելի շենքերի, ջրագծերի և ճանապարհների կառուցմանը․ ՏԵՍԱՆՅՈՒԹ
Տնտեսություն
23.02.2022 | 11:25
Կառավարությունը Արագածոտնի, Արարատի, Գեղարքունիքի, Լոռու, Շիրակի և Սյունիքի մարզպետարաններին 1 մլրդ 435 մլն դրամ հատկացրեց 15 սուբվենցիոն ծրագիր ավարտին հասցնելու համար:
ՀՀ տարածքային կառավարման և ենթակառուցվածքների նախարար Գնել Սանոսյանն ասաց, որ գումարն առաջարկվում է հատկացնել մարզպետարաններին՝ 13 համայնքում շուրջ 15 սուբվենցիոն ծրագրերի իրականացման համար:
Անդրադառնալով, մասնավորապես, Սյունիքի մարզի ծրագրին, որով նախատեսվում է 1 միլիարդ 181 մլն դրամ հատկացնել, նախարարը նշեց, որ դա Քաջարան համայնքի բազմաբնակարան շենքերի էներգաարդյունավետության բարելավման ծրագիրն է. ծրագրում ընդգրկված է քաղաքի 25 շենք, երեք շենքն ավարտական տեսքի է բերվել, 22-ում 60 տոկոս և ավելի աշխատանքներ են արվել և շարունակվում են:
«Այս խոշոր ծրագրի մեջ Կառավարությունն ունի 70 տոկոս մասնակցություն, 25 տոկոսը ՄԱԿ-ի զարգացման ծրագրերով է, և միայն 5 տոկոսն է, որ համայնքը պետք է տրամադրի, որի կեսը՝ 2.5 տոկոսը, «Զանգեզուրի պղնձամոլիբդենային կոմբինատի» հովանավորությամբ է»,- ասաց Սանոսյանը:
Վարչապետ Նիկոլ Փաշինյանի խոսքով՝ Արագածոտնի մարզի Բյուրական համայնքում փողոցներն արտաքին լուսավորություն կունենան, Արարատի մարզի Վարդաշեն համայնքում ոռոգման ներտնտեսային ցանցը կբարելավվի, Արտաշատում Օգոստոսի 23-ի փողոցի մի շարք շենքերի տանիքներն են հիմնանորոգվել, Մասիսում ու Գեղարքունիքում է խոշոր ծրագիր իրականցվել, Լոռիում զբոսայգի են վերանորոգում, Շիրակի մարզի փողոցներն են հիմնանորոգում: Խոշոր ծրագիր են իրականացնում Քաջարան համայնքում. էներգաարդյունավետությունն են բարելավում:
Մանրամասները՝ տեսանյութում:
