07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Եթե տոկոսադրույքը չբարձրանար, գուցե 7․7% գնաճի փոխարեն այլ մակարդակ լիներ․ԿԲ խորհրդի անդամի թեկնածու. ՏԵՍԱՆՅՈՒԹ
Տնտեսություն
14.02.2022 | 13:42
Ֆինանսավարկային և բյուջետային հարցերի մշտական հանձնաժողովի այսօրվա նիստում որոշում ընդունվեց «Ազգային ժողովի կանոնակարգ» սահմանադրական օրենքի 145-րդ հոդվածի համաձայն Կենտրոնական բանկի խորհրդի անդամի թափուր պաշտոնում հաստատել «Քաղաքացիական պայմանագիր» խմբակցության ներկայացրած Լևոն Սահակյանի թեկնածությունը:
Լևոն Սահակյանն իր խոսքում նկատեց, որ կորոնավիրուսով պայմանավորված ճգնաժամի պայմաններում ԿԲ-ին հաջողվել է երկիրը հետ պահել ֆինանսական ցնցումներից:
Սահակյանի դիտարկմամբ՝ ՀՀ-ում արձանագրված 7.7 % գնաճը արդարացված է, այն պայմանավորված է հիմնականում միջազգային շուկայում գների աճով:
«Եթե տոկոսադրույքը չբարձրանար, գուցե 7․7% գնաճի փոխարեն այլ մակարդակ լիներ»,- ասաց թեկնածուն:
Նա բարձր գնահատեց գնաճը զսպելուն ուղղված ԿԲ քայլերը՝ հիշեցնելով, որ ԱՄՆ-ում և Ռուսաստանում գնաճի հակառեկորդ է սահմանվել, իսկ Հայաստանի վիճակը շատ ավելի լավ է:
Նիստին ներկա «Քաղաքացիական պայմանագիր» խմբակցության 5 պատգամավորների ձայներով հաստատվեց Լևոն Սահակյանի թեկնածությունը:
Մանրամասները՝ տեսանյութում:
