03.08.2026 | 16:02
ԱԺ նախագահ Ռուբեն Ռուբինյանի ճեպազրույցը․ ՈՒՂԻՂ
ԵՄ դեսպան Անդրեա Վիկտորինը Երևանի քաղաքապետի հետ մասնակցել է հիմնանորոգված մանկապարտեզի բացմանը
Տնտեսություն
10.02.2022 | 12:45
Երևանի էներգաարդյունավետության ծրագրով հիմնանորոգվող 15 մանկապարտեզներից առաջինն արդեն պատրաստ է:
ԵՄ դեսպան Անդրեա Վիկտորինը Երևանի քաղաքապետ Հրաչյա Սարգսյանի հետ մասնակցել է հիմնանորոգված մանկապարտեզի բացմանը:
Ծրագրով մանկապարտեզում տեղադրվել են էներգաարդյունավետությանը միտված սարքավորումներ, արևային ֆոտովոլտային վահանակներ, LED լուսատուներ, իրականացվել են նաև դռների ու լուսամուտների փոխարինում, տանիքի պատերի ջերմամեկուսացում, ինչի շնորհիվ կնվազեն հանրային շենքերի էներգետիկ սպասարկման ծախսերը, ինչպես նաև կնվազի ածխաթթու գազի արտանետման ծավալը:
«Երևանի քաղաքապետարանի հետ մեր համագործակցությունը գնահատում եմ բավականին լավ: Մեր նպատակն է եղել այս ծրագրով երեխաների համար ապահովել այն պայմանները, որոնք կձգտենք ստեղծել բոլոր մանկապարտեզների սաների համար: Ընդհանուր առմամբ անհրաժեշտ բոլոր պայմանները, որոնք պետք են երեխաներին, առկա են այստեղ և մենք բավական գոհ ենք արդյունքից: Մեր ծրագրերին շարունակական բնույթ հաղորդելու համար պետք է ավելիին ձգտենք: Մենք հոգատար վերաբերմունք ունենք շրջակա միջավայրի պահպանության խնդրում և կլիմայի փոփոխության մարտահրավերների առնչությամբ ակտիվ գործունեություն ենք ծավալում: Ուստի՝ ակնկալում ենք ավելի շատ տեսնել «կանաչ»-ը կառավարման ոլորտում և անհամբերությամբ ենք սպասում նաև Երևանի «կանաչ» ավտոբուսներին»,- նշել է Հայաստանում Եվրոպական միության պատվիրակության ղեկավար, դեսպան Անդրա Վիկտորինը:
Մանրամասները՝ տեսանյութում:
