07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Արտոնություն՝ ՀՀԿ-ական նախկին պատգամավորի ընկերությանը
Տնտեսություն
03.02.2022 | 12:11
Կառավարությունն այսօր մաքսային արտոնություն տվեց ՀՀԿ-ական նախկին պատգամավոր, գործարար Աշոտ Արսենյանին պատկանող «Ջերմուկ գրուպ» ՓԲԸ-ին:
Ընկերությունը նախատեսում է իրականացնել 3․9 մլրդ դրամի ներդրում հումքի ձեռք բերման համար։ Նախատեսվում է ներդրումային ծրագրի շրջանակում ստեղծել 3 նոր աշխատատեղ` մինչև 285,000 դրամ միջին աշխատավարձով։
Կառավարությունը որոշեց ներմուծվող տեխնոլոգիական սարքավորումները, դրանց բաղկացուցիչ ու համալրող մասերը, հումքը և նյութերը ներմուծման մաքսատուրքից ազատելու արտոնություն տալ ընկերությանը:
Հիշեցնենք՝ դեկտեմբերին կայացած ՏԻՄ ընտրությունների ժամանակ Արսենյանի որդին՝ Վահագն Արսենյանը, Փաշինյանի ղեկավարած «Քաղաքացիական պայմանագիր» կուսակցության նախընտրական ցուցակով ընտրվեց Ջերմուկ համայնքի ղեկավար:
