24.11.2024 | 16:07
1 մլրդ դրամ՝ Երևանի ու մարզերի թատրոնների, համերգային դահլիճների, նվագախմբերի համար գույք, տեխնիկա գնելու համար․ ՏԵՍԱՆՅՈՒԹ
Ռեստորաններում վաճառքը 20%-ով ընկել է սահմանափակումների պատճառով. Քերոբյան. ՏԵՍԱՆՅՈՒԹ
Տնտեսություն
27.01.2022 | 12:58
Մի քանի օրվա տվյալների վրա հիմնված տեղեկատվությունը ցույց է տալիս, որ ռեստորանային ոլորտի ընկերությունների համախառն վաճառքը մոտ 20%-ով է ընկել, ոչ թե 70%-ով, ինչպես ասում են: Այս մասին այսօր կառավարության նիստից հետո ճեպազրույցների սրահում հայտնեց Էկոնոմիկայի նախարար Վահան Քերոբյանը:
Նախարարը հավաստիացրեց, որ կան նաև ընկերություններ, որտեղ ավելի քիչ է ընկել վաճառքի ծավալները՝ հաշվի առնելով հաճախորդների բազան, բայց և արձանագրեց, որ կան ընկերություններ, որոնց մոտ շատ ավելի մեծ է անկումը:
«Շատ ուշադիր հետևում ենք իրավիճակի զարգացմանը: Այստեղ խոսքը նաև այն դեպքերի մասին է, որ մարդիկ պատվաստված են եղել, բայց թեստ են հանձնել և պարզվել է, որ վարակված են ու չեն կարողացել մտնել ռեստորան, դա էլ է կարևոր պատճառ, թե ինչու է ընկել ռեստորաններում վաճառքի շրջանառությունը:
Այնուամենայնիվ մենք հետևում ենք իրադրության զարգացմանը. կապի մեջ ենք ոլորտի ներկայացուցիչների և առողջապահության նախարարության մեր գործընկերների հետ, եթե տեսնենք, որ վիճակը դուրս է գալիս նորմալի սահմաններից, ապա անպայման համատեղ ուժերով որևէ այլ մոտեցում կնախատեսենք»,- նշեց Քերոբյանը:
Նախարարի դիտարկմամբ՝ այս պահին համարում են, որ «օմիկրոն» շտամի նման ագրեսիվ տարածման շրջանում ճիշտ քաղաքականություն է, քանի որ համաճարակը վերահսկողությունից բաց թողնելու դեպքում բացասական հետևանքները շատ ավելի մեծ կլինեն, և՝ ոչ միայն տնտեսության վրա:
Մանրամասները՝ տեսանյութում:
