12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
Շեշտակի թանկացել է պարարտանյութը. մտահոգված եմ. Վահան Քերոբյան. ՏԵՍԱՆՅՈՒԹ
Տնտեսություն
27.01.2022 | 12:17
Շեշտակի թանկացել է թե՛ պարարտանյութը, թե՛ սերմացուն, թե՛ դիզվառելիքը, ինչը մտահոգիչ է: Այս մասին Կառավարության հերթական նիստից հետո լրագրողների հետ զրույցում հայտնեց Էկոնոմիկայի նախարար Վահան Քերոբյանը։
«Այս պահին ինտենսիվ բանակցում ենք այլ երկրներրի արտադրողների հետ, որպեսզի հասկանանք՝ ինչ ձևով ենք օժանդակելու գյուղտնտեսություններին։ Ըստ էության, մեր 3-15 մլն դրամանոց վարկերի սուբսիդավորման իմաստը հենց դա է՝ օգնել գյուղացիներին հնարավորինս էժան իրականացնել իրենց գյուղատնտեսական աշխատանքները, սակայն հասկանում ենք, որ այս պահին գուցե սա բավարար գործիք չէ»,- նշեց Քերոբյանը։
Ըստ նախարարի՝ դա նաև ուղիղ ազդեցություն է ունենալու վաճառվող բերքի գնի վրա, հետևաբար նաև գնաճի վրա։
«Հիմա լուծումներ ենք փնտրում, որոնք շատ չեն ուշանա»,- հավաստիացրեց նախարարը՝ նշելով, որ քննարկումներ են իրականացվում Ռուսաստանի, Իրանի և Քաթարի հետ։
Մանրամասները՝ տեսանյութում:
