20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Հարցվածների 9%-ը կասկածելի տեղեկատվության հանդիպելիս փորձում է ստուգել այն․ մեդիագրագիտության մակարդակը աճում է. ՏԵՍԱՆՅՈւԹ
Հասարակություն
26.01.2022 | 19:07
Հայաստանցիների մեծամասնությունը ոչինչ չի ձեռնարկում կասկածելի տեղեկության հանդիպելիս, և միայն 9%-ն է փորձում ստուգել այն, օրինակ, որոնելով տեղեկությունը համացանցում կամ որևէ վստահելի կայքում։ Այս մասին փաստում է նախորդ տարվա սեպտեմբերին Հայաստանի 1,213 քաղաքացիների շրջանում անցկացված հարցումը, որն ուղղված է եղել բացահայտելու ավանդական և սոցիալական մեդիայից տեղեկատվության ստացման հիմնական աղբյուրները, վերաբերմունքը բարեփոխումների լուսաբանմանը, տեղեկատվության հուսալիության ընկալումները և քաղաքացիների մեդիագրագիտությունը։
Հետազոտությունն իրականացվել է Մեդիա նախաձեռնությունների և Հետազոտական ռեսուրսների կովկասյան կենտրոն-Հայաստանի կողմից։
Հարցվածների գրեթե կեսը (44%) երբեք չի ստուգում, թե ինչ կայքեր են տանում հղումները (34%` 2019-ին), իսկ ամեն չորրորդը (23%) երբեք չի հետևում հղումներին (25%՝ 2019-ին)։
Ըստ Մեդիա նախաձեռնությունների կենտրոնի տնօրեն Նունե Սարգսյանի՝ մեդիագրագիտության մակարդակը ցածր է, բայց աճման միտում կա։
«Ինձ համար այս հարցման արդյունքում իրականությունը շատ ավելի դրական է, քան ես ենթադրում էի։ Ճիշտ է՝ թվերը բարձր չեն, բայց մենք չենք ակնկալում, որ մարդիկ 100%-ով հասկանում են՝ ինչ է մեդիագրագիտությունը և ստուգում են փաստերը։ Սա, իհարկե, իրենից ավելի մեծ պատասխանատվություն է ենթադրում լրատվամիջոցների համար՝ վստահելիության տեսանկյունից»,- նշեց Նունե Սարգսյանը։
Մանրամասները՝ տեսանյութում։
