24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
Մյանմայում ավերիչ երկրաշարժի զոհերի թիվը գերազանցել է 1700-ը․ երկրում համազգային սուգ է հայտարարվել
Քաղաքականություն
31.03.2025 | 13:11
Մյանմայում երկրաշարժի զոհերի թիվը հասել է ավելի քան 1700-ի, փլատակների տակից նոր դիեր են դուրս բերվել։ Այս մասին հայտնել է երկրի ռազմական կառավարությունը, գրում է AP-ն։
Կառավարության խոսնակ, գեներալ-մայոր Զավ Մին Թունը պետական MRTV հեռուստաալիքին ասել է, որ ևս 3400 մարդ վիրավորվել է, ավելի քան 300-ն անհետ կորել է: Զինվորականները նախկինում հայտնել էին 1644 զոհի մասին։
Հիշեցնենք, որ 7,7 մագնիտուդով երկրաշարժը տեղի է ունեցել ուրբաթ կեսօրին՝ պատճառելով մեծածավալ ավերածություններ, այդ թվում՝ մայրաքաղաք Նեյպիտավում և մեծությամբ երկրորդ քաղաքում՝ Մանդալայում:
Մահմեդականների համար սուրբ Ռամադան ամսվա ընթացքում երկրի մահմեդական փոքրամասնությունից 700 հավատացյալներ են մահացել ուրբաթօրյա աղոթքի ժամանակ՝ մզկիթների փլուզման հետևանքով։ Հաղորդվում է, որ 60 մզկիթ վնասվել կամ ավերվել է։
Մյանմայի իշխանություննեը մեկշաբաթյա համազգային սուգ են հայտարարել երկրի ավերիչ երկրաշարժի զոհերի հիշատակին։
Թարգմանությունը՝ Էմմա Չոբանյանի
