08.09.2026 | 22:18
Ֆրանսիան, Մեծ Բրիտանիան և ևս 10 երկիր արգելել են Արևմտյան ափի իսրայելական բնակավայրերից ապրանքների ներմուծումը
Թրամփը հայտարարել է, որ «չի կատակում» իր նախագահության հնարավոր երրորդ ժամկետի վերաբերյալ
Քաղաքականություն
31.03.2025 | 13:38
ԱՄՆ նախագահ Դոնալդ Թրամփը հայտարարել է, որ «չի կատակում» հնարավոր երրորդ ժամկետի վերաբերյալ։ Նա արդեն երկրորդ անգամ է ներկայացնում այդ գաղափարը, գրում է The Hill-ը:
NBC News-ի լրագրող Քրիսթեն Ուելքերի հետ զրույցում Թրամփը նշել է, որ հարցումների արդյունքներով՝ ինքը «վերջին 100 տարվա ընթացքում ցանկացած հանրապետականի շրջանում ամենաբարձր թվերն ունի»:
«Բազմաթիվ հարցումների համաձայն՝ մենք բարձր՝ 70 միավորի շրջանակում ենք, և դուք կարող եք դա տեսնել: Եվ, գիտեք, շատ մարդիկ կցանկանային, որ ես դա անեմ»,- ասել է Թրամփը երրորդ ժամկետի մասին:
Նա նշել է, որ դեռ երկար ճանապարհ կա անցնելու։
Հարցին՝ ինչպես նա է երրորդ անգամ հասնելու Սպիտակ տուն, Թրամփը պատասխանել է ․«Կան մեթոդներ, որոնք կարող եք անել, գիտեք»:
Լրագրողի հարցին՝ «Կցանկանայի՞ք էստաֆետը փոխանցել փոխնախագահ Վենսին», Դոնալդ Թրամփը պատասխանել է, որ «դեռ վաղ է նույնիսկ մտածել այդ մասին»։
Թարգմանությունը՝ Էմմա Չոբանյանի
