17.07.2026 | 16:27
Շատիվանքի Սբ․ Սիոն եկեղեցու 17-րդ դարի որմնանկարների վերականգնման ընթացքում բացահայտվել են միջնադարյան նոր պատկերներ
Մոսկվան հայտնում է, որ ՌԴ-ն և ԱՄՆ-ը բանակցություններ են սկսել հազվագյուտ մետաղների շուրջ
Քաղաքականություն
31.03.2025 | 12:14
Ռուսաստանն ու ԱՄՆ-ը սկսել են հազվագյուտ մետաղների նախագծերի շուրջ քննարկումները: Այս մասին «Իզվեստիա»-ի հետ հարցազրույցում հայտարարել է Ռուսաստանի ուղղակի ներդրումների հիմնադրամի ղեկավար և օտարերկրյա երկրների հետ տնտեսական համագործակցության հարցերով նախագահի հատուկ ներկայացուցիչ Կիրիլ Դմիտրիևը:
«Հազվագյուտ մետաղները համագործակցության կարևոր ոլորտ են և, իհարկե, մենք քննարկումներ ենք սկսել Ռուսաստանում տարբեր հազվագյուտ մետաղների և նախագծերի վերաբերյալ»,- ասել է նա։
Չի չեն հաղորդվում, թե կոնկրետ որ փուլում են այդ քննարկումները և ովքեր են մասնակցում դրանց։
Հիշեցնենք, որ փետրվարի 24-ին ՌԴ նախագահ Վլադիմիր Պուտինը հանդիպում էր անցկացրել հազվագյուտ հողային մետաղների արդյունաբերության զարգացման վերաբերյալ, որից հետո լրագրողների հետ հարցազրույցում ասել էր, որ «պատրաստ են համագործակցություն առաջարկել ամերիկացի գործընկերներին»։
Ավելի ուշ Կրեմլի խոսնակ Դմիտրի Պեսկովն ասել էր, որ քննարկումը վերաբերում է հազվագյուտ հողային մետաղների ոլորտում ԱՄՆ-ի հետ համագործակցության «պոտենցիալ հնարավորությանը»։
Թարգմանությունը՝ Էմմա Չոբանյանի
