06.12.2025 | 13:05
Նարեկ Մկրտչյանը մասնակցել է The AI Economy and the Future of Work պանելային քննարկմանը
Իրանի հոգևոր առաջորդը նախազգուշացրել է՝ ԱՄՆ-ի հարձակման դեպքում «ուժեղ» հարված կտրվի
Քաղաքականություն
31.03.2025 | 12:54
Իրանի գերագույն հոգևոր առաջնորդ այաթոլլահ Ալի Խամենեին զգուշացրել է, որ Միացյալ Նահանգներին ծանր հարված կհասցվի, եթե իրագործի նախագահ Դոնալդ Թրամփի՝ Իրանը ռմբակոծելու սպառնալիքը։ Խամենեիի նախազգուշացումը հնչել է Ռամադանի ավարտին նվիրված հեռուստատեսային ելույթում։
«ԱՄՆ-ի և Իսրայելի թշնամանքը միշտ եղել է: Նրանք սպառնում են հարձակվել մեզ վրա, ինչը մենք շատ հավանական չենք համարում։ Բայց եթե որևէ չարիք գործեն, անպայման պատասխան ուժգին հարված կստանան։ Եթե թշնամիները կարծում են, որ կարող են ապստամբություն հրահրել երկրի ներսում, Իրանի ժողովուրդն ինքը կպատասխանի նրանց»,- ասել է Խամենեին։
Հիշեցնենք, որ ԱՄՆ նախագահ Դոնալդ Թրամփը սպառնացել էր Իրանին ռմբակոծությամբ ու երկրորդական մաքսատուրքերով, եթե Թեհրանն իր վարչակազմի հետ համաձայնության չգա միջուկային ծրագրի շուրջ։
Թարգմանությունը՝ Էմմա Չոբանյանի
