30.04.2026 | 01:05
Չեմպիոնների լիգա․ «Աթլետիկոն» ու «Արսենալը» չպարզեցին հաղթողին․ ՏԵՍԱՆՅՈՒԹ
Թրամփը Իրանին սպառնում է ռմբակոծությամբ, եթե միջուկային գործարքը չկնքվի
Քաղաքականություն
31.03.2025 | 09:43
ԱՄՆ նախագահ Դոնալդ Թրամփը սպառնացել է Իրանին ռմբակոծությամբ ու երկրորդական մաքսատուրքերով, եթե Թեհրանն իր վարչակազմի հետ համաձայնության չգա միջուկային ծրագրի շուրջ, գրում է Politico-ն։
«Եթե նրանք գործարքի չգնան, ապա ռմբակոծություններ կլինեն։ Հավանականություն կա, որ եթե գործարքի չգնան, ես նրանց վրա երկրորդական մաքսատուրքեր կսահմանեմ, ինչպես 4 տարի առաջ արեցի»,- NBC News-ի լրագրող Քրիստեն Ուելքերի հետ հեռախոսազրույցի ժամանակ ասել է Թրամփը՝հավելելով
Իրանի նախագահ Մասուդ Փեզեշքիանն էլ հայտարարել է, որ Իրանը մերժել է ԱՄՆ-ի հետ ուղիղ բանակցությունները՝ ի պատասխան միջուկային ծրագրի շուրջ Թրամփի նամակին։
«Թեև այս պատասխանում մերժվել է երկու կողմերի միջև ուղիղ բանակցությունների հնարավորությունը, սակայն ընդգծվել է, որ անուղղակի բանակցությունների ճանապարհը մնում է բաց»,- նշել է նա։
Այս ամսվա սկզբին Թրամփը սպառնացել էր ռազմական գործողություններ իրականացնել Իրանի դեմ՝ Եմենի հութիներին աջակցելու պատճառով՝ ասելով, որ զինյալ խմբավորման հետագա հարվածները կդիտարկվեն որպես ուղղակի հարձակում Իրանի կողմից։
Հավելենք, որ ավելի վաղ Թեհրանը Օմանի միջոցով պատասխանել էր Թրամփի նամակին։
Թարգմանությունը՝ Էմմա Չոբանյանի
