08.09.2026 | 21:37
ԱՄՆ-ի ու Կանադայի առևտրային բախման ֆոնին՝ ուժի մեջ են մտել կանադական կողմի պատասխան մաքսատուրքերը
Իրանը Օմանի միջոցով պատասխանել է Թրամփի նամակին
Քաղաքականություն
28.03.2025 | 10:47
Իրանի ԱԳ նախարար Աբբաս Արաքչին հայտնել է, որ Թեհրանը Օմանի միջոցով փոխանցել է ԱՄՆ նախագահ Դոնալդ Թրամփի նամակին պատասխանը։ Այս մասին նա ասել է IRNA-ին։
«Պաշտոնական պատասխանը ներառում է մի նամակ, որտեղ ստատուս քվոյի և պարոն Թրամփի նամակի վերաբերյալ մեր տեսակետն ամբողջությամբ ներկայացվել և փոխանցվել է մյուս կողմին»,- ասել է Իրանի ԱԳ նախարարը։
Նա նշել է, որ Իրանի քաղաքականությունն է՝ ներգրավվել ոչ ուղիղ բանակցությունների միջոցով, քանի դեռ երկրը գտնվում է «առավելագույն ճնշման» և ռազմական սպառնալիքի տակ։
«Սակայն անուղղակի բանակցությունները կարող են շարունակվել այնպես, ինչպես եղել են նախկինում»,- հավելել է Արաղչին։
Անցյալ շաբաթ նա ասել էր, որ Իրանի հրաժարումը ԱՄՆ կառավարության հետ ուղղակիորեն բանակցելուց մարտավարություն է, ոչ թե ռազմավարություն: Բարձրաստիճան դիվանագետը նշել էր, որ Իրանի ու եվրոպական երեք երկրների՝ Ֆրանսիայի, Գերմանիայի և Մեծ Բրիտանիայի միջև ընթացող բանակցությունները, ըստ էության, միջնորդավորված են Միացյալ Նահանգների հետ:
Հավելենք, որ ԱՄՆ նախագահ Դոնալդ Թրամփի նամակը իրանական կողմին էր փոխանցվել ԱՄԷ-ի միջոցով։
Թարգմանությունը՝ Էմմա Չոբանյանի
