27.06.2026 | 11:13
84 տարեկանում մահացել է երգչուհի Ռաիսա Մկրտչյանը
Եթե չեք հավատում, որ 40+10-ն ուղղվում է բնակվարձերին, դո՛ւք վճարեք տանտերերին․ Մարիամ Աբրահամյան. ՏԵՍԱՆՅՈՒԹ
Հասարակություն
31.03.2025 | 13:45
Կառավարությունը որոշել է ապրիլից կրճատել արցախցիներին տրամադրվող 40+10 աջակցության ծրագիրը։ Աշխատանքի և սոցիալական հարցերի նախարարության շենքի դիմաց այսօր բողոքի ակցիա էին իրականացնում «Արցախի մայրիկների աջակցման կենտրոն» հասարակական կազմակերպության անդամները, արցախցի քաղաքական գործիչներ և իրավապաշտպաներ։ «Արցախի մայրիկների աջակցման կենտրոնի» հիմնադիր Մարիամ Աբրահամյանը աջակցության ծրագրերի դադարեցումը խնդրահարույց է համարում։
«Եթե դուք իսկապես չեք հավատում, որ այդ 40+10-ն ուղղվում է միայն բնակվարձերին, ապա մի առաջարկ ունեմ։ Դուք պայմանագիր կնքեք տանտերերի հետ և մեզ պետք չէ ձեր 40+10-ը, միանգամից վճարեք տանտերերին»,- ասաց Աբրահամյանը։
Նրա խոսքով՝ հասարակական կազմակերպությունները տարբեր առաջարկներով բազմիցս դիմել են աշխատանքի և սոցիալական հարցերի նախարարությանը և նշել, որ գերատեսչության մշակած բնակապահովման ծրագիրը չի բավարարում տեղահանվածների կարիքները։ Աբրահամյանը մատնանշում է՝ սերտիֆիկատներերի գումարը չափազանց փոքր է և չի համապատասխանում բնակարանների շուկայական գներին, ինչը բնակապահովման ծրագրի ձախողման առաջին պատճառներից է։
Մանրամասները՝ տեսանյութում։
