12.06.2026 | 11:25
Ուկրաինական ԱԹՍ-ների հարձակման հետևանքով Թաթարստանում նավթավերամշակման, Սամարայում` քիմիական գործարան է հրդեհվել
ՀԴԲ-ն խուզարկել է ամերիկացի կոնգրեսականի տունը՝ Ադրբեջանի հետ կապված հետաքննության շրջանակում
Քաղաքականություն
21.01.2022 | 14:11
ԱՄՆ-ի Հետաքննությունների դաշնային բյուրոն (FBI) խուզարկել է դեմոկրատ կոնգրեսական Հենրի Քուելարի տունը և Թեխասում նախընտրական գրասենյակը՝ Ադրբեջանի և մի շարք ամերիկացի գործարարների հետ կապված դաշնային լայնածավալ հետաքննության շրջանակում։ Այս մասին ABC News-ին հայտնել է իրավիճակին ծանոթ աղբյուրը։
Դաշնային մեծ ժյուրին Վաշինգտոնում քննում է այս հարցը, սակայն պարզ չէ՝ արդյո՞ք Քուելարը հետաքննության թիրախում է։
Այն բանից հետո, երբ ՀԴԲ-ի գործակալները խուզարկություն են իրականացրել Լարեդոյում Քուելարի տանը, կոնգրեսականի օգնականը հայտարարություն է տարածել, որ նա կհամագործակցի ցանկացած հետաքննության ։
«Նա հավատարիմ է արդարադատության և օրենքի գերակայության պահպանմանը»,- ասվում է հայտարարության մեջ:
Իր հերթին ՀԴԲ-ի խոսնակը հայտարարել է, որ կոնգրեսականի տանն ու գրասենյակում ցանկացած գործողություն լիազորված է դատարանի կողմից։
Քուելարը, որը ներկայացնում է Թեխասի 28-րդ կոնգրեսական շրջանը, Կոնգրեսում է 2005 թվականից։ Վերջին տարիներին նա Կոնգրեսի Ադրբեջանի հարցերով հանձնախմբի նախագահն էր և հաճախ էր հանդիպում Ադրբեջանի պաշտոնյաների, այդ թվում՝ Ադրբեջանի դեսպան Էլին Սուլեյմանովին։
Նշենք, որ Սուլեյմանովն այժմ Մեծ Բրիտանիայում Ադրբեջանի դեսպանն է։
Անցած տարվա ընթացքում Քուելարը հաճախ է քննադատել Ջո Բայդենի վարչակազմին սահմանի հետ կապված քաղաքականության համար։
ՀԴԲ-ի խոսնակն ու Արդարադատության դեպարտամենտը հրաժարվել են մեկնաբանել այդ պատմությունը։
Էմմա Չոբանյան
