24.11.2024 | 21:16
Հայաստանի բասկետբոլի հավաքականը պարտվեց Ավստրիայի թիմին
Պարտքով 320 000 դրամ խնդրեմ մինչև առավոտ, բանկով պետք է տա՞ք․ Խաչատրյանը՝ Երիցյանին. ՏԵՍԱՆՅՈՒԹ
Տնտեսություն
11.01.2022 | 11:08
ԱԺ ֆինանսավարկային և բյուջետային հարցերի մշտական հանձնաժողովում քննարկվում է «Անկանխիկ գործառնությունների մասին» օրենքում Կենտրոնական բանկի առաջարկած փոփոխությունների նախագիծը։
«Հայաստան» խմբակցության պատգամավոր Արթուր Խաչատրյանը, դիմելով ԿԲ փոխնախագահ Ներսես Երիցյանին, նշեց. «Եթե ես ձեզանից պարքով խնդրեմ 320 000 դրամ մինչև վաղն առավոտը, ինչո՞ւ պետք է դուք ինձ դա բանկով փոխանցեք»։
Երիցյանը պատասխանեց, որ այդքան գումար չունի, ընդամենը 6-7 հազար դրամ կանխիկ գումար ունի. «Ես կասեմ` հեռախոսով ինձ հաշվիդ համարն ուղարկի, 5 վայրկյանում այդ գումարը կնստեր հաշվիդ»:
Այս երկխոսությունն ընդդիմադիր պատգամավորի ու ԿԲ փոխնախագահի միջև տեղի ունեցավ «Անկանխիկ գործառնությունների մասին» օրենքում ԿԲ-ի առաջարկած փոփոխությունների նախագծի քննարկման ժամանակ, որով առաջարկվում է 2024թ. հունվարի 1-ից 300 000 դրամը գերազանցող բոլոր վճարումները, այդ թվում` ֆիզիկական անձանց միջև փոխանցումները, իրականացնել անկանխիկ եղանակով։
ԿԲ նախագահն ընդդիմադիր պատգամավորին վստահեցրեց, որ անկանխիկ փոխանցումն ավելի ապահով է. կանխիկ գումարը նրանից կարող էին հաջորդ պահին գողանալ, իսկ անկանխիկը` ոչ։
Ներսես Երիցյանը նաև շեշտեց, որ նման փոխանցումների դեպքում բանկային ծառայության դիմաց քաղաքացին չի վճարում, քանի որ ՀՀ–ում բանկային փոխանցումներն ու կանխիկացումն ազգային արժույթով անվճար է։
Մանրամասները՝ տեսանյութում:
