Կառավարությունն առաջին իսկ փակ նիստին ավելացրեց գործազուրկների թիվը

Լուրեր

17.11.2026 | 19:01
Որտեղի՞ց էր այն փողը, որը տալիս էր․ Վահագն Ալեքսանյանը՝ Արսեն Գևորգյանի մասին. ՏԵՍԱՆՅՈՒԹ
17.11.2026 | 18:49
Թուրքիայի դատարանն ընդդիմադիր Sözcü TV-ն պետական ​​վերահսկողությանն է փոխանցել․ ոստիկանությունը ձերբակալել է ղեկավարներին
17.11.2026 | 18:28
Թրամփը հայտարարել է, որ Վաշինգտոնի վրա հարձակման դեպքում Իրանը շատ մեծ գին կվճարի
17.11.2026 | 18:22
Եթե ես վաղը բանտում մահանամ, ինձ հետ սենց չվարվեք հանկարծ․ Եղոյանը՝ Արսեն Գևորգյանի մահվան մասին․ ՏԵՍԱՆՅՈՒԹ
17.11.2026 | 18:15
Խցանումներից խուսափելու համար քննարկվում են կենտ ու զույգ համարներով երթևեկության սահմանափակումներ և տուգանքների խստացում․ Ավինյան
17.11.2026 | 18:10
Շաքի մտած ադրբեջանցու գործողությունները՝ ըստ մեղադրանքի // Պապիկյանը Բրյուսել է մեկնել․ ԼՈՒՐԵՐ
17.11.2026 | 18:02
Բրազիլիայի հավաքականը խփեց 7 գոլ, Վինիսիուսի հեթ-տրիկը. ՏԵՍԱՆՅՈՒԹ
17.11.2026 | 17:54
Կատարը նախազգուշացրել է՝ Իրանի հարձակումը Բահրեյնում ԱՄՆ ռազմաբազայի վրա սպառնում է խաղաղ բանակցություններին
17.11.2026 | 17:45
Ընկերությունները կարող են քրեական պատասխանատվության ենթարկվել, նույնիսկ եթե հանցանք կատարած անձը հայտնի չէ․ ԱՆ-ի նոր առաջարկը
17.11.2026 | 17:37
ՔՊ-ից մի հոգի է ցավակցություն հայտնել․ Նարեկ Կարապետյանը՝ Արսեն Գևորգյանի մահվան մասին․ ՏԵՍԱՆՅՈՒԹ
17.11.2026 | 17:28
Հայաստանում կարող են վերանայվել բենզալցակայանների՝ բնակելի շենքերից հեռավորության և հողատարածքի նվազագույն մակերեսի պահանջները
17.11.2026 | 17:17
«Վերահաստատեցինք՝ համեղ ծիրանները հայկական են»․ դեպի ԵՄ երկրներ հայկական արտադրանքի արտահանումն աճում է․ Միրզոյանը հանդիպել է Մաթա Կոսի հետ
17.11.2026 | 17:07
Հայաստանի Մ-17 հավաքականը ոչ-ոքի խաղաց Լյուքսեմբուրգի հետ. ՏԵՍԱՆՅՈՒԹ
17.11.2026 | 17:00
Երևանի փողոցներում լքված գույքը կտեղափոխվի հատուկ տարածք․ սեփականատերերին 6 ամիս ժամանակ կտրվի՝ այն հետ պահանջելու համար
17.11.2026 | 16:52
Սկսվել է «Տիգրան ջան, սիրուն չի» օպերացիա. Գևորգ Ստեփանյան․ ՏԵՍԱՆՅՈՒԹ
Բոլորը

Կառավարության նիստերն այսուհետ հագեցած կլինեն բովանդակային քննարկումներով, ինչպես խոստացել է արդարադատության նախարար Դավիթ Հարությունյանը: Սակայն դա նիստի մասնակիցներից բացի ոչ ոք չի տեսնի: Նախարարները կհակաճառեն միմյանց, իրար երեսի կասեն ինչ մտածում են միմյանց մասին: Հուսանք, որ բանը բռունցքին չի հասնի:

Իսկ ի՞նչ են քննարկում կառավարության փակ նիստում: Հենց առաջին նման նիստն ամենաերկարն էր այս տարվա բոլոր նիստերից` օրակարգային 72 հարցով: Լրագրողների աչքից հեռու կայացած նիստում մի քանի հաստատություն լուծարվեց՝ կրթական և առողջապահական՝ մարդկանց դարձնելով գործազուրկ:

Լուծարում 1

Գործադիրը որոշեց ԿԳՆ «Սևանի պետական քոլեջ» և «Սևանի արհեստագործական պետական ուսումնարան» ՊՈԱԿ-ները միաձուլել և ստեղծել «Սևանի բազմագործառութային պետական քոլեջ»: Այն իրավունք կունենա ոչ միայն միջին մասնագիտական կրթական ծրագրեր իրականացնել, այլև հանրակրթական և նախնական մասնագիտական կրթական ծրագրեր: Թեև նշվում է, որ դրանով ուսումնական հաստատության կառավարման արդյունավետությունը կբարձրանա, սակայն մի շարք աշխատողներ կդառնան գործազուրկ: Կառավարությունը խոստանում է փորձել աշխատանքի տեղավորել դուրս մնացողներին, սակայն միաժամանակ նշում է, որ «ուսումնական հաստատություններում թափուր աշխատատեղերը գրեթե բացակայում են»: Իսկ միացման դեպքում դրույքաչափերի կրճատման արդյունքում կլինեն դժգոհություններ: Առանց այդ էլ գաղտնիք չէ, թե կրթական հաստատություններն ինչ չափով են ծանրաբեռնված, ինչպես են աշխատողներ խցկվում և հաստիքներ ուռճացվում: Կառավարության նույն հիմնավորման մեջ նշվում է՝ Գեղարքունիքում ծայրահեղ աղքատ է բնակչության 1 տոկոսը, աղքատ՝ 28,8 տոկոսը: Այսինքն, սրանով մարզում աղքատների թիվը կավելանա:

Լուծարում 2

Լուծարքի հաջորդ որոշումներն առողջապահության բնագավառին են վերաբերում: Պաշտպանության նախարարության՝ Բերդի առանձին բժշկական ջոկատը, որը գործում է որպես զորամաս, լուծարվում է: Հիվանդանոցի շենքն ու տեխնիկան է լավը, ջոկատի՝ անձնակազմը: Ուստի ջոկատը կտեղափոխվի հիվանդանոց: Այս երկու կառույցները, համաձայն կառավարության հիմնավորման, նույն բանն անելով՝ իրար խանգարում են. «Երկու բժշկական կազմակերպությունների անջատ գործելու արդյունքում փոշեցրվում է տարածաշրջանի առանց այդ էլ սակավաթիվ բժշկական ներուժը»:

Հիվանդանոցին կվերապահվի տարածաշրջանի բնակչության և ՊՆ զորամասերի զինծառայողների, նրանց ընտանիքների անդամների և զինծառայողներին հավասարեցված անձանց բժշկական օգնությունը և սպասարկումը: Շեշտելով, թե ՊՆ ջոկատն առավել հագեցած է կադրային որակյալ ռեսուրսով, արդեն հասկանալի է դառնում, որ միացման արդյունքում անձնակազմի կրճատումները վերաբերելու են հենց հիվանդանոցի աշխատողներին: Իսկ որ կրճատումներ կլինեն, անկասկած է:

Լուծարում 3

Լուծարված հիվանդանոցների շարքին ավելացավ «Սիսիանի բժշկական կենտրոն»-ը: Հիմնարկն ուներ 5932.25 քառ. մետր ընդհանուր մակերես, 58,746.0 հազ. դրամ հաշվեկշռային արժեքով շենք-շինություններ և դրանց սպասարկման ու օգտագործման համար հատկացված` 2.38 հեկտար հողամաս: Գույքը տրվեց Պաշտպանության նախարարության «Զանգեզուրի կայազորային հոսպիտալ» պետական հիմնարկին: Հիվանդանոցն ուներ հազարավոր շարժական գույք, որոնցից ամենաթանկարժեքը 14,6 մլն դրամ արժեքով «Ֆորդ» և 14.8 մլն դրամանոց «ՈՒԱԶ» մակնիշի ավտոմեքենաներն են, 5 մլն դրամ արժեքով Կոլպոսկոպը, 8 մլն դրամանոց սոնոգրաֆիայի ապարատը և այլն: Հիվանդանոցը, համաձայն հիմնավորման, ունի թույլ լաբորատոր և ախտորոշիչ գործիքային համալրվածություն, սարքավորումները հին են: Մյուս հիմնավորումները նույնն են, ինչ նախորդի դեպքում՝ հիվանդանոցն ու հոսպիտալն անում են նույն բանը՝ խանգարելով միմյանց: Այստեղ մտահոգիչը բնավ էլ հիվանդանոցի՝ հոսպիտալին միավորումը չէ. եթե դա կօգնի բժշկական ծառայությունները որակով իրականացնել, ապա տարածաշրջանը միայն կշահի. մանավանդ որ հիմա հիվանդանոցներն ունեն մասնագիտական ոչ բարվոք համբավ: Այս լուծարման գործընթացում ամենացավոտը և անհանգստացնողն աշխատակազմի հարցն է. Ի՞նչ է անելու հիվանդանոցի անձնակազմը: Կառավարությունն առողջապահության նախարարին հանձնարարել է Սյունիքի մարզպետի հետ համատեղ քննարկել հիվանդանոցի աշխատակիցներին հոսպիտալում համապատասխան աշխատանք առաջարկելու հարցերը: Բայց քանի որ ոչ թե հանձնարարել է տեղավորել աշխատանքի, այլ քննարկել տեղավորման հարցը, բնականաբար, խիստ հավանական է որ հիվանդանոցի աշխատողները կամ նրանց մի մասը կմնան «նախկին աշխատող» կարգավիճակում: Չէ՞ որ ՊՆ-ն ևս ունի մեծաթիվ բժշկական անձնակազմ և հաճույքով աշխատանքի կտեղավորի իր մասնագետներին։ Եվ կամ՝ բժշկական հաստատության տնօրենն ինքը, ունենալով որոշ նոր աշխատատեղերի հնարավորություն, իր ցանկացած անձանցով կհամալրի:

Լուծարում 4 

Վերջին լուծարքը վերաբերում էր «Վարդենիսի հիվանդանոց» ՓԲԸ-ին: Այս հաստատությունն էլ ուներ 4657.1 քառ. մետր ընդհանուր մակերեսով, 28,880.77 հազ. դրամ հաշվեկշռային արժեքով շենք, շինություններ և դրանց սպասարկման ու օգտագործման համար հատկացված` 0.99 հեկտար հողամաս: Շարժական գույքի մի մասը հնամաշ է: Վարդենիսի հիվանդանոցը գտնվում էր աղետալի վիճակում՝ առանց չափազանցության: Առողջապահության նախարարության փոխարեն հիվանդանոցի տնօրենն ինքն էր տարբեր հաստատությունների դիմում շենքի վերանորոգման հարց լուծելու համար: Շենքային անմխիթար պայմանների պատճառով հենց հիվանդանոցի գույքի մեծ մասն օգտագործման ենթակա չէ: Այս հիվանդանոցը ևս, «ամեն ինչ ՊՆ-ին» սկզբունքով, հանձնվեց Գեղարքունիքի կայազորային հոսպիտալին: Վարդենիսի հիվանդանոցի անձնակազմը մնաց առողջապահության նախարարից ու Գեղարքունիքի մարզպետից կախված վիճակում: Ի դեպ, վերջերս հիվանդանոցի ղեկավարն ազատվել էր աշխատանքից մարզպետի «օգնությամբ»: Փաստորեն, գործադիրի թեթև ձեռքով մի շարք աշխատողներ մնացին անգործ և սա՝ վարչապետ Կարեն Կարապետյանի՝ մեկ օր առաջ խորհրդարանում տված խոստումների ֆոնին, թե այսպես շարունակվելու դեպքում քաղաքացին շուտով մաշկի վրա կզգա կյանքի բարելավումը:

 

Սևակ Հակոբյան