06.08.2026 | 15:39
Նոր քրեական գործ՝ Ծառուկյանի ու Առուստամյանի նկատմամբ․ ըստ ՔԿ-ի, 2,5 մլն դոլարի գույք է հափշտակվել
Ռուսական և վրացական կողմում 600 հայկական բեռնատար է սպասում սահմանն անցնելուն․ ՌԴ-ում ՀՀ դեսպանության մաքսային կցորդ
26.11.2024 | 16:04
Տեղումների պատճառով Վերին Լարսի անցակետ տանող ճանապարհը փակվել է բեռնատարների համար, այս մասին Factor.am-ին հայտնեց ՌԴ-ում ՀՀ դեսպանության մաքսային կցորդ Վահան Հակոբյանը։
Հարցին՝ որքա՞ն հայկական բեռնատար է այս պահին սպասում Լարսի անցակետում, ՀՀ մաքսային կցորդը հայտնեց, որ ռուսական և վրացական կողմերից յուրաքանչյուրում 300 հայկական բեռնատար է սպասում սահմանն անցնելու հերթին, ընդհանուր առմամբ, 600 բեռանատար։
«Խաչի լեռնանցքում դեռ ձյուն է գալիս, այդ պատճառով բեռնատարների երթևեկությունն անհնար է իրականացնել։ Այսօր և վաղը, երևի, դեռ ձյուն կտեղա։ Մինչև տեղումները չավարտվեն, ձնամաքրման աշխատանքները չեն սկսվի վրացական կողմում: Տեղումները կավարտվեն, ձյունը կմաքրեն, նոր կբացվի անցակետը բեռնատարների համար»,- նշեց Հակոբյանը։
ՌԴ-ում ՀՀ դեսպանության մաքսային կցորդն ասաց նաև, որ թեթև մարդատար տրանսպորտի համար ճանապարհը մնում է բաց:
Հիշեցնենք, որ ՀՀ ՆԳՆ Փրկարար ծառայությունը, հղում անելով Վրաստանի ՆԳՆ ԱԻ դեպարտամենտին և ՌԴ ԱԻՆ Հյուսիսային Օսիայի ճգնաժամային կառավարման կենտրոնին, տեղեկացրել է, որ Ստեփանծմինդա-Լարս ավտոճանապարհը փակվել է բեռնատարների համար:
Մանյա Պողոսյան
