05.05.2024 | 13:46
Հայ խորհրդարանականները Վաշինգտոնում մի շարք հանդիպումներ են ունեցել
COVID-19-ի դեպքերի նվազումը պետք է օգտագործել պատվաստման ընդգրկվածությունը մեծացնելու համար․ փոխնախարար
19.12.2021 | 10:33
Առողջապահության նախարարի տեղակալ Արտակ Ջումայանը Շիրակի մարզ կատարած աշխատանքային այցի շրջանակներում մարզպետ Նազելի Բաղդասարյանի հետ եղել է «Գյումրի» բժշկական կենտրոնում, ծանոթացել COVID-19-ի դեմ պատվաստումների շարժական կայանի աշխատանքներին։
ԱՆ տեղեկացմամբ՝ փոխնախարարն այցելել է նաև քաղաքում գործող բոլոր 6 պոլիկլինիկաները, հետևել COVID-19-ի դեմ պատվաստումների գործընթացին, զրուցել բուժաշխատողների հետ` կարևորելով առողջության առաջնային պահպանման ծառայությունների հասանելիությունը, բնակչության շրջանում իրազեկման աշխատանքները:
«COVID-19 դեպքերի նվազումը պետք է օգտագործել` պատվաստման ընդգրկվածությունը մեծացնելու համար, որպեսզի հաջորդ ալիքներին լինենք պատրաստված քանի որ պատվաստումը ծանր ընթացքով հիվանդության և մահացության կանխարգելման գլխավոր միջոցն է։»,-նշել է Արտակ Ջումայանը:
