13.12.2024 | 17:52
«Վրացական երազանքն» անջատել է նախագահի նստավայրի ջեռուցումը․ Խազարաձե
Քովիդի համավարակն աշխարհում խորացնում է ծայրահեղ աղքատությունը. ԱՀԿ
Քաղաքականություն
12.12.2021 | 19:23
Կորոնավիրուսի համաճարակի պատճառով աշխարհում ավելի քան կես միլիարդ մարդ կարող է ծայրահեղ աղքատության մեջ հայտնվել: Korrespondent.net-ի փոխանցմամբ՝ այսօր՝ դեկտեմբերի 12-ին, այս մասին հայտարարել են ԱՀԿ-ն և Համաշխարհային բանկը։
Առողջապահության ծառայությունների համընդհանուր ընդգրկման միջազգային օրվա վերաբերյալ իրենց զեկույցներում կազմակերպություններն արձանագրել են, որ պանդեմիան հանգեցրել է բժշկական ծառայությունների մատուցման խափանումների և չափազանց մեծ լարվածություն է առաջացրել առողջության պահպանման համակարգերում: Տուբերկուլյոզից և մալարիայից մահացությունն աճել է:
Համաճարակ է առաջացրել նաև «1930-ական թվականներից ի վեր վատթարագույն տնտեսական ճգնաժամը, այդ պատճառով մարդկանց ավելի դժվար է դարձել վճարել բուժման համար»: Մարդիկ ստիպված են վճարել այդ ծառայությունների համար իրենց գրպանից, որի պատճառով «կես միլիարդից ավելի մարդիկ կարող են հայտնվել ծայրահեղ աղքատության շեմին։
Ինչպես կանխատեսում են զեկույցների հեղինակները, ֆինանսական դժվարությունները, ամենայն հավանականությամբ, ավելի ինտենսիվ կդառնան՝ հաշվի առնելով աղքատության աճը, եկամուտների նվազումը և այն փաստը, որ պետությունները բախվում են հարկային մուտքերի ոլորտում ավելի բարդ իրավիճակի: Մինչև պանդեմիան «գրեթե մեկ միլիարդ մարդ իրենց բյուջեի ավելի քան 10 տոկոսն է ծախսել առողջության պահպանման համար»:
«Այժմ մենք պետք է կառուցենք առողջապահական համակարգեր, որոնք բավականաչափ ուժեղ կլինեն, որպեսզի դիմանան ցնցումներին, ինչպիսիք են ապագա պանդեմիան, և մենք պետք է հետևենք այդ ուղուն առողջապահության ծառայությունների համընդհանուր ընդգրկմանը»,- հայտարարել է ԱՀԿ-ի գլխավոր տնօրեն Թեդրոս Գեբրեյեսուսը:
