15.12.2024 | 14:24
Սոթքում 2022-ի ռազմական ագրեսիայից հետո բնակիչներին են հանձնվել նորակառույցների բանալիները. ՏԵՍԱՆՅՈՒԹ
Ամանորի և Սուրբ Ծննդյան տոների առթիվ Երևանի թատերահամերգային կազմակերպություններում կանցկացվեն տոնական միջոցառումներ
Հասարակություն
10.12.2021 | 23:17
Երևանի քաղաքապետարանը տեղեկացնում է, որ ս. թ. դեկտեմբերի 20-30-ը Երևանի թատերահամերգային կազմակերպությունները մանուկների և պատանիների համար կներկայացնեն Ամանորի տոնական միջոցառումներ:
Երևանյան 11 թատերահամերգային կազմակերպություններ, պատրաստակամությամբ արձագանքելով Երևանի քաղաքապետարանի նախաձեռնությանը, երեխաների համար պատրաստել են անակնկալներով լի ու հետաքրքրաշարժ միջոցառումներ, նոր բեմադրություններ և մանկական համերգային ծրագրեր, որոնց մասնակցելու հնարավորություն կստանան Երևանի պետական և մասնավոր հանրակրթական հաստատությունների 1-ին և 2-րդ դասարանների բոլոր աշակերտները՝ շուրջ 25 հազար դպրոցական:
Մշտապես ուշադրության կենտրոնում պահելով սոցիալապես խոցելի խմբերի, բազմազավակ, խնամատար, պատերազմից տուժած ընտանիքների, ծնողազուրկ և հաշմանդամություն ունեցող երեխաների խնդիրները՝ Երևանի քաղաքապետարանը շուրջ 5000 անվճար տոմս կտրամադրի նաև նշված խմբերի երեխաներին:
