Փաշինյանը կքննադատի՞ Պուտինին, որ կալանավորել է Նավալնիին․ ՀՀ-ն ավանսով է հրավիրվել ԱՄՆ գագաթնաժողովին․ Անդրիաս Ղուկասյան․ ՏԵՍԱՆՅՈՒԹ

Լուրեր

17.11.2026 | 15:54
Ֆրանսիան պատրաստվում է նոր բողոքի ցույցերի` մինչ արհմիությունները համազգային գործադուլի կոչ են արել
17.11.2026 | 15:43
2026-ին ՔԿՀ-ներում մահվան 4 դեպք է արձանագրվել․ ՀԿ-ները մտահոգություն են հայտնում
17.11.2026 | 15:34
Բնական է, 10 բալանոց խցանումը նյարդայնացնում է ոչ միայն տիկին Հակոբյանին, այլև բոլորիս. Ավինյան․ ՏԵՍԱՆՅՈՒԹ
17.11.2026 | 15:26
Պրահայում երկու ուղևորատար գնացքների բախման հետևանքով 46 մարդ է տուժել․ ՏԵՍԱՆՅՈՒԹ
17.11.2026 | 15:24
Ալիկ Սարգսյանի անվան հետ կապվող ընկերությանը ձևական մրցույթով հատկացված 3,6 մլրդ դրամի հողերի վարձակալությունն անվավեր է ճանաչվել
17.11.2026 | 15:18
6 ամսով ձերբակալված Ուսման Նուրմագոմեդովն ազատ է արձակվել ԱՄԷ-ում
17.11.2026 | 15:11
ՀՀ-ն և ՌԴ-ն երկաթուղու հարցն են քննարկում // Գերմանիայի ԱԳ նախարարը Հայաստան կգա․ ԼՈՒՐԵՐ
17.11.2026 | 15:00
Հինգ եվրոպական երկրներ միգրանտներին կարտաքսեն Ռուանդա․ այնտեղ միգրանտների կենտրոն են բացում
17.11.2026 | 14:51
Կրեմլը հայտնում է, որ Պուտինին զեկուցել են Ղրիմի կամրջի շուրջ ստեղծված իրավիճակի մասին
17.11.2026 | 14:49
Սամվել Կարապետյանի գործով դատական նիստը. ՈՒՂԻՂ
17.11.2026 | 14:42
Մեծ Բրիտանիան ողջունում է Հարավային Կովկասում խաղաղության հաստատման ուղղությամբ արձանագրված առաջընթացը
17.11.2026 | 14:34
Հոկեյի կանանց ԱՄՆ-ի հավաքականը պաշտպանել է աշխարհի չեմպիոնի տիտղոսը. ՏԵՍԱՆՅՈՒԹ
17.11.2026 | 14:25
Տենց «շյուստրի» քա՞նի եղբայր եք. մեզ մանդատ են տվել, քանի որ դեմ ենք. Քրիստինե Վարդանյան․ ՏԵՍԱՆՅՈՒԹ
17.11.2026 | 14:13
Ադրբեջանում առաջարկել են դադարեցնել ռուսերենով կրթության ֆինանսավորումը պետբյուջեից
17.11.2026 | 14:04
Ասում եք` հլը սպասեք, ՌԴ-ն ձեզ գցելու է Զելենսկու վիճակի մեջ, հետո գնում ՌԴ ասում` արա՛, քո քայլն է․ Մարիա Կարապետյան․ ՏԵՍԱՆՅՈՒԹ
Բոլորը

Factor TV-ի հարցազրույցը Հայ Կառուցողական կուսակցության ղեկավար, քաղաքագետ Անդրիաս Ղուկասյանի հետ

-Պարո՛ն Ղուկասյան, այսօր արդեն մեկնարկել է ԱՄՆ նախագահ Ջո Բայդենի հրավիրած «Հանուն ժողովրդավարության» գագաթնաժողովը, որին հրավիրված է մասնակցելու ՀՀ-ն, Թուրքիան, Ադրբեջանը, Ռուսաստանը, Իրանը՝ ոչ։ Ըստ պաշտոնական հաղորդագրության՝ «Կքննարկվեն ժողովրդավարության ամրապնդմանն ուղղված համարձակ ու գործնական քայլեր»։ Ի՞նչ քայլեր կարող են որոշվել և ի՞նչ կարող է տալ ու ակնկալել Հայաստանը։

-Ժողովրդավարության գագաթնաժողովը խնդիր ունի տարանջատում ստեղծել՝ ովքեր են ժողովրդավարական և ովքեր՝ ոչ ժողովրդավարական։ Այսինքն՝ Իրանը, Թուրքիան, Ռուսաստանը, Ադրբեջանը, այսինքն՝ «3+3» ձևաչափից 4-ը ոչ ժողովրդավարական երկրներ են։ Վրաստանը ժողովրդավարական երկիր է, իսկ Հայաստանին, որպես ժողովրդավարական երկիր, տրվել է ավասնով մասնակցելու հնարավորություն, որովհետև Հայաստանն իր ողջ միտումներով ձգտում է հենց ավտորիտար ռեժիմների հետ լինել։ Ինչո՞ւ է դա արվում, դա կապված է մի շարք պետական որոշումների հետ, որոնք ԱՄՆ-ն և ԵՄ-ն դարձնում են իրենց համար ուղենիշ։ Օրինակ՝ ԱՄՆ Կոնգրեսում հիմա քննարկվում է մի փաթեթ, թե ինչու Ադրբեջանին պիտի արգելվեն մի շարք օգնություններ, իսկ Հայաստանին՝ ընդլայնվեն, որովհետև Հայաստանը ժողովրդավարական երկիր է։

-Այսինքն՝ պետության ժողովրդավարական լինելը որոշիչ է դառնալու կոլեկտիվ Արևմուտքի մոտ՝ այդ երկրի նկատմամբ դրսևորվելիք վերաբերմունքի՞ հարցում։ Այսինքն՝ եթե բռնապետական ռեժիմը մրցակցում է բռնապետության հետ, դու շանս չունե՞ս ստանալ Արևմուտքի աջակցությունը։ 

-Դու չես ստանա նյութական և քաղաքական օգնություն։

-Բայց չէ՞ որ նաև աշխարհաքաղաքական շահեր կան։ Թուրքիան իբրև թե ԱՄՆ-ի դաշնակիցն է այսօր, սակայն չի հրավիրվել այդ գագաթնաժողովին։ Մյուս կողմից էլ՝ ԱՄՆ-ն և Թուրքիան ՆԱՏՕ-ի անդամ երկրներ են և գործակցում են այդ ձևաչափով։

-Թուրքիան ԱՄՆ-ի դաշնակիցը չէ, Թուրքիան ՆԱՏՕ-ի անդամ է, որը շուրջ երեք տասնյակ անդամ ունի։ Ընդ որում՝ ինքը հակադրված է ՆԱՏՕ-ի հետ և համակարծիք չէ դաշինքի քաղաքականության հետ։ Բոլորը քվեարկեցին ՆԱՏՕ-ում կողմ Ռուսաստանի դեմ պատժամիջոցներին՝ բացի Թուրքիայից։ Անկարան սպառնում է ՆԱՏՕ-ի մեկ այլ անդամ Հունաստանին, որ չորս ժամում կարող է գրավել Հունաստանի տարածքը։ Այսօր ստեղծվել է իրավիճակ, որ ՆԱՏՕ-ի մի շարք երկրներ ուժեղացնում են ՆԱՏՕ-ի մի երկրին՝ մյուսի դեմ։ Հունաստանի ռազմական դոկտրինում կա ձևակերպված սպառնալիք՝ ի դեմս Թուրքիայի, և իրենք դրա հետ կապված որոշումներ են ընդունում։

-Վերադառնալով Փաշինյանի մասնակցությանը «Հանուն ժողովրդավարության» գագաթնաժողովին․ ինչպե՞ս հասկանալ Հայաստանի պրոռուսական ընդդիմության քննադատությունը՝ ուղղված Փաշինյանին, թե գագաթնաժողովին ձեր մասնակցությամբ կբարկացնեք ՌԴ-ին։

-Դրանք այն անհրաժեշտ դետալներն են, որով Նիկոլ Փաշինյանը բացատրելու է ամերիկյան կողմին՝ ինչու է իր ելույթը ոչ մի բանի մասին, որովհետև Հայաստանի ընդդիմությունն իրեն կմեղադրի, որ ինքը դավաճանում է մեր ռազմավարական դաշնակցին։ Պրիմիտիվ խորամանկություններին և այստեղ նստող գործիչներին թվում է, որ դա ոչ ոք դրսում չի հասկանա։ Վաղուց արդեն բոլորին դեկոդավորել են, և քաղաքականությունը նույնպես մեծ բան չի նշանակում։ ԱՄՆ-ն հո չի՞ ենթադրում, որ այդ ժողովում Նիկոլ Փաշինյանը նոր խոսք է ասելու ժողովրդավարության մասին։ Իրենց որոշումը պայմանավորված է նրանով, որ ուզում են Հայաստանը տարանջատել Թուրքիայից, Ադրբեջանից, ՌԴ-ից և Իրանից, որպեսզի ունենան իրավական հենարան իրենց պետության ներսում՝ Հայաստանին աջակցելու։ Նիկոլ Փաշինյանը քննադատելո՞ւ է Պուտինին՝ Նավալնիին կալանավորելու համար, ինքը ունի նեղ տարածք, ինքը կարող է քննադատել Ադրբեջանում մարդու իրավունքների վիճակը։

Հարցազրույցն ամբողջությամբ՝ տեսանյութում։

Ռոբերտ Անանյան