06.09.2026 | 10:11
ՀՀ տարածքում ավտոճանապարհներն անցանելի են
«Կիսատ-պռատ աշխատող գծեր են մարդիկ տեսնում. ինչի պիտի բոլորով ավտոբուսի վարորդ սկսենք փնտրել». Ավինյան․ ՏԵՍԱՆՅՈՒԹ
Տնտեսություն
13.01.2025 | 10:15
Երևանի քաղաքապետարանը հունվարի 1-ին հայտարարեց, որ 171 նոր ավտոբուսները երթուղի են դուրս եկել։ Քաղաքացիները հունվարի առաջին տասնօրյակում դժգոհում էին, որ նաև մասնավորին պատկանող երթուղիներում փոխարինված ավտոբուսներն այդքան էլ լավ չեն աշխատում, և իրենք ստիպված են երկար ժամանակ սպասել կանգառներում։
Այսօր Երևանի քաղաքապետարանի գործակարգավարական խորհրդակցության ժամանակ պարզվեց, որ «Երևան ավտոբուս» ՓԲԸ-ում վարորդների պակաս կա։ Տիգրան Ավինյանը բարկացավ, ընկերության տնօրեն Բեգլար Կիրակոսյանից հետաքրքվեց՝ ինչո՞ւ ավելի վաղ չեն սկսել վարորդների համալրման գործընթացը, որպեսզի հիմա նման խնդիր չունենային։
«Եթե այս տեմպը նոյեմբերից սկսած պահեինք, այս ողջ խնդիրը լուծած կլինեինք, որովհետև 340 աշխատակցի կարիք ունեինք, և վստահաբար կհասցնեինք իրականացնել»,- ասաց Ավինյանը։
Նշենք, որ այս պահին «Երևան ավտոբուս» ընկերությունում վարորդի 225 թափուր հաստիք կա, Ավինյանն էլ ընդգծեց, որ Հայաստանում D կարգի վարորդական իրավունք ունեցող 50.000 անց կա և հանձնարարեց մինչև հունվարի վերջ ապահովել վարորդների հավաքագրումը:
