29.06.2026 | 09:39
Այրված մեքենայում հայտնաբերվել է երեք քաղաքացու այրված դի․ ՃՏՊ Սուրենավանի մոտակայքում
Ձեր խոսքից կարելի է վիրավորվել, բայց այն քրեականացվող ծանր վիրավորանք չէ․ փոխնախարարը՝ պատգամավորին․ ՏԵՍԱՆՅՈՒԹ
Քաղաքականություն
09.12.2021 | 15:09
«Հայաստան» խմբակցությունն այսօր նախագիծ է ներկայացրել, որով առաջարկվում է ուժը կորցրած ճանաչել հայհոյանքը քրեականացնող հոդվածը:
Ընդդիմադիրների դիտարկմամբ՝ վիրավորանքի քրեականացումը որևէ իրավաչափ նպատակ չի հետապնդել, այն իրականում ունեցել է մեկ նպատակ՝ քրեաիրավական միջոցների և ընթացակարգերի գործադրմամբ, սպառնալիքով սահամանափակել ազատ խոսքը, հրապարակային քննադատությունը, հատկապես՝ հանրային պաշտոն զբաղեցնող անձանց դեպքում:
Արդարադատության փոխնախարար Սուրեն Գրիգորյանը, անդրադառնալով վիրավորանքի ծանր լինել-չլինելու հանգամանքին, օրինակ բերեց. «Այսօրվա նիստում պատգամավոր Արեգնազ Մանուկյանը քաղաքական ելույթ ունենալով՝ ասաց՝ անարժան անձինք հեղափոխությունից հետո դարձան պատգամավոր: Սա քաղաքակա՞ն խոսք էր: Միանշանակ: Կարելի՞ է այս խոսքից վիրավորվել: Մինաշանակ: Բայց արդյո՞ք սա քրեականացվող ծանր վիրավորանք է: Չեմ կարծում:
Այս սա այն խոսքն է, որից կարելի է վիրավորվել, ինչպես և բազմաթիվ քաղաքական գնահատականներից, բայց դրան պետք է դիմանալ, եթե ստանձնել ես պատգամավորի կամ հանրային պաշտոնյայի դիրքը: Բայց ծանր բնույթի վիրավորանքները, սեռական բնույթի հայհոյանքները այն վիրավորանքը չեն, որի մասին խոսում է ՄԻԵԴ-ը»:
Մանրամասները՝ տեսանյութում:
