19.11.2024 | 22:38
Ադրբեջանի ԳՇ պետը Պակիստանում նոր զինատեսակների է ծանոթացել
Շուշիի մոտ՝ Քարին տակում երկու ադրբեջանցի է մահացել ականի վրա պայթելու հետևանքով
Քաղաքականություն
09.12.2021 | 13:55
Արցախի գրավյալ տարածքներում ադրբեջանցիների՝ ականի վրա պայթելու հերթական դեպքն է տեղի ունեցել։ Մասնավորապես, ադրբեջանական լրատվամիջոցների հաղորդմամբ, Արցախի գրավյալ Շուշիի շրջանի Քարին տակ գյուղում ականի վրա պայթելու հետևանքով երկու ադրբեջանցի է մահացել։
Ներքին գործերի նախարարության տեղեկացմամբ՝ ժամը 9։00-ի սահմաններում, Քարին տակում շինարարական աշխատանքներում ներգրավված ընկերության աշխատակիցները՝ Իսմայիլի շրջանի բնակիչ Վյուսալ Գանդիևն ու Գոբուստանի բնակիչ Օրհան Խաթանովը, մահացել են ականի վրա պայթելու հետևանքով։
Դեպքի առիթով կատարվում է քննություն։
Նշենք, որ ավելի վաղ ադրբեջանական լրատվամիջոցները հայտնել էին, որ, ընդհանուր առմամբ, պատերազմից հետո 180 ադրբեջանցի է պայթել ականի վրա։ Օրերս էլ Ադրբեջանի ականազերծման գործակալությունը հայտնել էր, որ 44-օրյա պատերազմից հետո ականի վրա պայթել է 73 քաղաքացիական անձ, որից 49-ը տարբեր վնասվածքներ է ստացել, 24-ը՝ մահացել։ Գործակալությունը տվյալներ չէր հայտնել ականի վրա պայթելու հետևանքով զոհված և վիրավորված զինծառայողների մասին։
Էմմա Չոբանյան
