11.10.2026 | 10:11
Շանհայ. Կարեն Խաչանովը դուրս եկավ 1/8 եզրափակիչ
Հայտնի է` ով է օգնել Սաակաշվիլիին գաղտնի հատել Վրաստանի սահմանը
Քաղաքականություն
09.12.2021 | 13:34
Վրաստանի նախկին նախագահ Միխեիլ Սաակաշվիլին կարողացել է հատել պետական սահմանը Ուկրաինայում բնակվող նախկին բարձրաստիճան պաշտոնյայի օգնությամբ։ Այս մասին հինգշաբթի լրագրողներին հայտնել է դատախազ Լևան Վեփխվաձեն, գրում է ՏԱՍՍ-ը։
«Ձեռնարկված դատավարական և քննչական միջոցառումների արդյունքում քննչական մարմինը մանրամասնորեն պարզել է, թե ով է օգնել [Սաակաշվիլիին] Ուկրաինայի տարածքում. դա անվտանգության վարչության նախկին բարձրաստիճան պաշտոնյա է եղել։ Նա օգնել է մեղադրյալ Միխեիլ Սաակաշվիլին սահմանի անօրինական հատման հարցում»,- ասել է Վեփխվաձեն՝ չնշելով նախկին պաշտոնյայի անունը։
Դատախազը Սաակաշվիլիի փաստաբաններին կոչ է արել անհերքելի ճանաչել գործի բոլոր ապացույցները և համաձայնվել հետաքննության հետ, քանի որ սահմանի ապօրինի հատման փաստն ակնհայտ է։
Իր հերթին, նախկին նախագահի փաստաբան Գիորգի Գելխաուրին վրացական Mtavari Arkhi հեռուստաալիքին տված հարցազրույցում ասել է, որ Սաակաշվիլիի ժամանումը քաղաքական ակտ է։
Տաթև Ֆռանգյան
