Ադրբեջանի տերմինաբանությամբ եք խոսում․ Փաշինյանը բարկացավ Ղազինյանի հարցից. ՏԵՍԱՆՅՈՒԹ

Կոմունիկացիաների բացում ապահովելու ենք, մենք դրանում հետաքրքրված ենք: Այս մասին ԱԺ-Կառավարություն հարցուպատասխանի ընթացքում հայտնեց ՀՀ վարչապետ Նիկոլ Փաշինյանը՝ անդրադառնալով «Հայաստան» խմբակցության պատգամավոր Արթուր Ղազինյանի հարցադրմանը:

Խոսելով հարցի իրավական հատվածի մասին՝ Փաշինյանն ընդգծեց. «Սյունիքով անցնող ճանապարհը պետք է լինի Հայաստանի սուվերենության ներքո և ՀՀ օրենսդրությամբ պիտի գործի՝ դա մեր ընդհանուր ընկալումն է, դա ՀՀ պաշտոնական տեսակետն է»:

ՀՀ վարչապետը խոսեց նաև երթուղիների մասին:  «Հարցը կբաժանեի 2 մասի՝ երկաթուղային երթուղի, որտեղ մենք մի տարբերակ ունենք՝ դա Երասխ-Օրդուբադ-Մեղրի-Հորադիզ երկաթուղին է, որը պետք է վերականգնվի՝ հայաստանյան հատվածը ՀՀ բերդրումների հաշվին,  իսկ ավտոմոբիլային ճանապարհների հետ կապված մենք մի քանի տարբերակ ենք քննարկում, հույս ունեմ, որ մենք կգանք արագ լուծումների և համաձայնեցումների»,- ասաց Փաշինյանը՝ հավելելով, որ չի կարծում, թե Իրանից Հայաստան եկող ճանապարհը միջանցք է:

Ղազինյանն արձագանքելով Փաշինյանին, հայտնեց, որ «Զանգեզուրի միջանց» կոչվողը վտանգավոր է ՀՀ-ի համար ու կարող են լինել ճնշումներ և հացրեց՝ եթե ճնշումները հասնեն այն աստիճանի, որ այլևս հնարավոր չլինի բանակցություններով խնդիրը կարգավորել և պատերազմի սպառնալիք լինի, գտակցելով պահի անվտանգային նշանակությունը՝ պատրաստ կլինի՞ հրաժարվել իշխանությունից՝ հեատձգելով կամթույլ չտալով պատերազմը:

Ի պատասխան՝ Փաշինյանը հետաքրքրվեց. «Ես ուզում եմ իմանալ, թե դուք ո՞վ եք ու ո՞ւմ եք ներկայացնում այս դահլիճում, երբ որ խոսում եք ադրբեջանական տերմինաբանությամբ:

Փաշինյանն ընդգծեց, որ Արթուր Ղազինյանն այսօր ՀՀ ԱԺ-ում ներկայացնում է Ադրբեջանի Հանրապետության դիրքորոշումը:« Ինձ համար միշտ էլ հստակ է եղել, որ ՀՀ-ում կան ազդեցության ցանցեր: Դուք ՀՀ ԱԺ-ում ադրբեջանական նարատիվ տարածողն եք: Ես զարմացած չեմ, որովհետև էն գլխից գիտեի, որ ձեր քաղաքական ուժի առաքելությունը Հայաստանում օտար քաղաքական նարատիվներ զարգացնելն է: Ես ձեզ խորհուրդ եմ տալիս դատի տալ, և մենք առիթ կունենանք դա ապացուցելու»,- նշեց վարչապետը:

Մանրամասները՝ տեսանյութում: