19.04.2026 | 19:07
Վիզաների ազատականացումը ժողովրդավարական ինստիտուտների ամրապնդման գործընթաց է․ ՆԳ նախարար
Շտապօգնության վարորդները ստանում են 100 հազար դրամ, ե՞րբ կբարձրացվի աշխատավարձը․ Թովմասյան. ՏԵՍԱՆՅՈՒԹ
Հասարակություն
08.12.2021 | 18:09
Շտապօգնության վարորդները ստանում են 100 հազար դրամ, ե՞րբ կբարձրացվի աշխատավարձը: ԱԺ-Կառավարություն հարցուպատասխանի ժամանակ «Պատիվ ունեմ» խմբակցության պատգամավոր Թագուհի Թովմասյանի այս հարցին պատասխանեց ՀՀ առողջապահության նախարար Անահիտ Ավանեսյանը:
«Բուժաշխատողների վարձատրության հետ կապված բարեփոխումները Կառավարության առաջնահերթություններից մեկն է: Մեզ համար մշտապես մեր բուժաշխատողների աշխատանքային պայմանները և վարձատրության չափերը վերանայման շրջանակներում են: Բայց մենք պետք է դիտարկենք ոչ թե առանձին դեպքերին արձագանքելու տրամաբանության, այլ համակարգային փոփոխությունների մեջ:
Կառավարության ծրագրով հաստատված է, որ մեր բուժաշխատողների աշխատավարձերն առաջիկա տարիներին համընթաց պետք է բարձրանան, բայց դա միանշանակ պետք է կապված լինի նրանց որակավորման և մասնագիտական գիտելիքների թարացման, նրանց կողմից մատուցված ծառայությունների որակի հստակ չափանիշների բարելավման արդյունքում:
Կորոնավիրուսային վարակի հետ կապված՝ մեր բուժաշխատողների աշխատավարձի, աշխատանքային պայմանների առումով Կառավարությունն արել է հնարավորը և մի բան էլ ավելի՝ ապահովելու մեր քաղաքացիների պատշաճ բժշկական օգնությունը: Դրան էր ուղղված նաև լրացուցիչ շտապօգնության բրիգադների ներգրավումը և մեր քաղաքային շտապօգնության հնարավորինս բեռնաթափումը»,- նշեց Ավանեսյանը:
Մանրամասները՝ տեսանյութում:
