09.06.2026 | 00:17
Մարկո Ռուբիոն շնորհավորել է Փաշինյանին
«Բանավոր պայմանավորվածություններ չկան»․ «Դուք եք ասել, ուղարկե՞նք»․ Ռուստամյանի ու Փաշինյանի հարցուպատասխանը. ՏԵՍԱՆՅՈՒԹ
Քաղաքականություն
08.12.2021 | 18:03
«Սահմանադրական ո՞ր լիազորությունների հիման վրա է կառավարությունը ձեռք բերում բանավոր պայմանավորվածություններ, որոնք մեզ համար հանգեցնում են կենսական զիջումների»,-ԱԺ-կառավարություն հարցուպատասխանի ժամանակ այսօր վարչապետ Նիկոլ Փաշինյանից հետաքրքրվեց «Հայաստան» խմբակցության պատգամավոր Արմեն Ռուստամյանը՝ նշելով նաև, որ գործող կառավարության օրոք բանակցային գործընթաց է ներմուծվել բանավոր պայմանավորություններ ձեռք բերելու և դրանք գաղտնի պահելու գործելաոճ:
Ի պատասխան Նիկոլ Փաշինյանն ընդգծեց. «Մենք բանավոր պայմանավորվածություններ չենք իրագործել: Նարատիվը, որ կան գաղտնի բանավոր պայմանավորվածություններ, ավելի մեծ անհեթեթություն դժվար է պատկերացնել»:
Արմեն Ռուստամյանը զարմացավ․ «Իսկապես ինձ համար զարմանալի է։ Մենք տարբե՞ր աշխարհներում ենք ապրում։ Դուք ինքներդ եք հայտարարել, որ կան բանավոր պայմանավորվածություններ։ Ձեզ ուղարկե՞նք ձեր ասածը»։
Նիկոլ Փաշինյանը պատասխանեց․ «Ես մի անգամ հիշեցրել եմ, թե Մաշտոցը որտեղից է սկսել հայերեն գրավոր տեքստի ստեղծումը։ Նորից հիշեցնեմ՝ գնացեք նորից նայեք։ Ձեզ համար կարևորը ձեր հարցն է, ոչ թե այս ամբիոնից հնչող պատասխանը։
Որ աշխարհում եք ապրում, այդ աշխարհում էլ հարցրեք։ Ինձ հարց տվեցիք, ես կոնկրետ պատասխան տվեցի»։
Մանրամասները՝ տեսանյութում:
